South Superstars: సినిమా నటీనటులకు (South Superstars) పేర్లు మార్చుకోవడం అనే ఒక ఆనవాయితీ ఉంది. ఈ సంప్రదాయం ఎప్పటి నుంచో కొనసాగుతుంది. పేరు మార్చుకుంటే అదృష్టం కలిసొచ్చి, సాధారణ నటుడు కాస్త స్టార్ అయిపోతాడు అనే నానుడి కూడా ఉంది. మరీ ఇలా పేర్లు మార్చుకున్న కొంతమంది ప్రముఖుల గురించి చూద్దాం.
సూపర్ స్టార్ రజినీకాంత్:
రజినీకాంత్ గారి అసలు పేరు “శివాజీ రావ్ గైక్వాడ్ “. దర్శకులు స్వర్గీయ బాలచందర్ గారే రజనికి ఈ పేరు పెట్టారు. అప్పటికే “శివాజీ” పేరుతో దిగ్గజ నటులు “శివాజీ గణేశన్” ఉండడంతో , “రజినికాంత్” అనే పేరు పెట్టారు.
మెగా స్టార్ చిరంజీవి:
చిరంజీవి గారి అసలు పేరు “శివ శంకర వరప్రసాద్”. తన ఇష్ట దైవం ఆంజనేయుడి పేరు కూడా కలిసేలా “చిరంజీవి” అని పేరు పెట్టుకున్నారు.
కమల్ హాసన్:
కమల్ హసన్ అసలు పేరు చాలామందికి తెలియదు. కమల్ అసలు పేరు ‘పార్థసారధి శ్రీనివాసన్’. సినీ ప్రవేశం కోసం “కమల్ హాసన్”గా పేరు మార్చుకున్నారు..
పవన్ కళ్యాణ్:
ఇక పవర్ స్టార్ పవన్ కళ్యాణ్ అసలు పేరు ఏమిటో తెలుసా ? “కళ్యాణ్ బాబు”, అయితే, ఆయన మొదటి సినిమా సమయంలో పేరుకి ముందు పవన్ అని కలిపి పెట్టారు చిరు. పవన్ అంటే ఆంజనీయస్వామి మరో పేరు.
న్యాచురల్ స్టార్ నాని:
నాని అసలు పేరు నవీన్ బాబు గంటా. సినిమాల కోసం నాని అని పేరు పెట్టుకోలేదు. చిన్న తనం నుంచే ముద్దు పేరు “నాని” నే. అదే పేరును సినిమాల్లో కూడా కంటిన్యూ చేస్తున్నాడు.
జగపతి బాబు:
“వీరమాచినేని జగపతి రావు’.. ఇది జగపతి బాబు అసలు పేరు. సినిమాల్లో వచ్చాక, జగపతి బాబు అయారు.
ప్రభాస్:
ప్రభాస్ గారి అసలు పేరు “ఉప్పలపాటి వెంకట సత్యనారాయణ ప్రభాస్ రాజు”, సింపుల్ గా ప్రభాస్ అని పెట్టున్నారు.
సూర్య:
సూర్య అసలు పేరు “శరవణన్ శివకుమార్”
ఇళయ దళపతి విజయ్:
విజయ్ అసలు పేరు జోసెఫ్ విజయ్ చంద్రశేఖర్.
అజిత్ :
అజిత్ అసలు పేరు “అజిత్ కుమార్ సుబ్రహ్మణ్యం”. మొదటి సినిమా తెలుగులోనే చేసాడు. సినిమా పేరు “ప్రేమ పుస్తకం”.
యష్ :
“కే జీ ఎఫ్ ” అంటూ పాన్ ఇండియా రేంజ్ లో గుర్తింపు తెచ్చుకున్న ఈ కన్నడ నటుడు అసలు పేరు నవీన్ కుమార్ గౌడ.
