Bigg Boss 6 Telugu Srisatya: తెలుగు బుల్లితెరపై బిగ్గెస్ట్ రియాలిటీ షో ‘బిగ్ బాస్’ లాంచ్ అయ్యింది. కింగ్ నాగార్జున చేతుల మీదుగా 6వ సీజన్ ఘనంగా ప్రారంభమైంది. ఓ పేకమీడల మధ్యలో నాగార్జునను నిలబెట్టి.. బిగ్ బాస్ థీమ్ ను ప్రజెంట్ చేస్తూ షోను మొదలుపెట్టారు. బ్యాక్ గ్రౌండ్ లో కమలాసన్ ‘విక్రమ్’ మూవీ మ్యూజిక్ వస్తుండగా.. విదేశీ సుందరాంగుల మధ్యలో నుంచి నాగార్జున బయటకొచ్చి ‘బంగార్రాజు’ పాటకు స్టెప్పులేసి బిగ్ బాస్ 6ను లాంచ్ చేశారు.
పోయిన సారి సెట్ కంటే ఈసారి కాస్తా కలర్ ఫుల్ గా బిగ్ బాస్ హౌస్, సెట్ వేశారు. ఎంటర్ టైన్ మెంట్ కు అడ్డా 6, ఎంటర్ టైన్ మెంట్ కు అడ్డా ఫిక్స్ అంటూ నాగార్జున మొదట బిగ్ బాస్ ఇంటిని వెరైటీగా చూపించారు. ఈసారి బిగ్ బాస్ హౌస్ ను ఒక పాట రూపంలో వినూత్నంగా ఆవిష్కరించారు. హౌస్ మాత్రం ఎంతో అందంగా ముస్తాబు చేశారు. డైనింగ్ హాల్, స్విమ్మింగ్ ఫూల్, గార్డెన్ ఏరియా సహా అన్నింటిని కలవ్ ఫుల్ గా డిజైన్ చేశారు. చూస్తుంటేనే ఆహ్లాదకరంగా ఇది ఉంది. ఈసారి ఎంటర్ టైన్ మెంట్ అదిరిపోయేలా కనిపిస్తోంది.
బిగ్ బాస్ హౌస్ లోకి తొలి కంటెస్టెంట్ గా సీరియల్ యాక్టర్ ‘కీర్తి’ అడుగుపెట్టింది. ఇక సెకండ్ కంటెస్టెంట్ గా నువ్వు నాకు నచ్చావ్ లో హీరోయిన్ ఆర్తి అగర్వాల్ చెల్లెలుగా నటించిన ‘పింకి’ ఎంట్రీ ఇచ్చింది. ఈమె అసలు పేరు సుదీప. ఇక మూడో కంటెస్టెంట్ గా యూట్యూబర్ ‘శ్రీహాన్’ ఎంట్రీ ఇచ్చాడు. నాలుగో కంటెస్టెంట్ గా నేహా అడుగుపెట్టింది. ఇక ఐదో కంటెస్టెంట్ గా జబర్ధస్త్ కమెడియన్ చలాకీ చంటీ ఎంట్రీ ఇచ్చాడు.
బిగ్ బాస్ హౌస్ లోకి 6వ కంటెస్టెంట్ గా శ్రీ సత్య ఎంట్రీ ఇచ్చింది. సింగర్ గా శ్రీ సత్య ఫేమస్. మోడల్ గా శ్రీసత్య తొలుత ప్రయత్నించింది. ఆ తర్వాత సింగర్ గా.. టీవీ ఇండస్ట్రీలో పలు షోల్లో పాల్గొంది. అందం, అభినయం ఉన్న శ్రీసత్యకు జంక్ ఫుడ్ చాలా ఇష్టమని చెప్పడంతో నాగార్జున పలు రకాల జంక్ ఫుడ్ ఆహారం తీసుకొచ్చి మరీ పెట్టించాడు. అవి తినేసి శ్రీసత్య హౌస్ లోకి వెళ్లిపోయింది..
శ్రీసత్య హౌస్ లోకి వెళ్లేముందు ఓ కార్డ్ తీయగా.. ‘హార్ట్’ సింబల్ వచ్చింది. హౌస్ లోకి వెళ్లాక ఈ కార్డు గురించి చెబుతానని చెప్పిన నాగార్జున ఆమెను హౌస్ లోకి పంపించాడు.
