Bigg Boss 6 Telugu Chalaki Chanti: తెలుగు బుల్లితెరపై బిగ్గెస్ట్ రియాలిటీ షో ‘బిగ్ బాస్’ లాంచ్ అయ్యింది. కింగ్ నాగార్జున చేతుల మీదుగా 6వ సీజన్ ఘనంగా ప్రారంభమైంది. ఓ పేకమీడల మధ్యలో నాగార్జునను నిలబెట్టి.. బిగ్ బాస్ థీమ్ ను ప్రజెంట్ చేస్తూ షోను మొదలుపెట్టారు. బ్యాక్ గ్రౌండ్ లో కమలాసన్ ‘విక్రమ్’ మూవీ మ్యూజిక్ వస్తుండగా.. విదేశీ సుందరాంగుల మధ్యలో నుంచి నాగార్జున బయటకొచ్చి ‘బంగార్రాజు’ పాటకు స్టెప్పులేసి బిగ్ బాస్ 6ను లాంచ్ చేశారు.
పోయిన సారి సెట్ కంటే ఈసారి కాస్తా కలర్ ఫుల్ గా బిగ్ బాస్ హౌస్, సెట్ వేశారు. ఎంటర్ టైన్ మెంట్ కు అడ్డా 6, ఎంటర్ టైన్ మెంట్ కు అడ్డా ఫిక్స్ అంటూ నాగార్జున మొదట బిగ్ బాస్ ఇంటిని వెరైటీగా చూపించారు. ఈసారి బిగ్ బాస్ హౌస్ ను ఒక పాట రూపంలో వినూత్నంగా ఆవిష్కరించారు. హౌస్ మాత్రం ఎంతో అందంగా ముస్తాబు చేశారు. డైనింగ్ హాల్, స్విమ్మింగ్ ఫూల్, గార్డెన్ ఏరియా సహా అన్నింటిని కలవ్ ఫుల్ గా డిజైన్ చేశారు. చూస్తుంటేనే ఆహ్లాదకరంగా ఇది ఉంది. ఈసారి ఎంటర్ టైన్ మెంట్ అదిరిపోయేలా కనిపిస్తోంది.
బిగ్ బాస్ హౌస్ లోకి తొలి కంటెస్టెంట్ గా సీరియల్ యాక్టర్ ‘కీర్తి’ అడుగుపెట్టింది. ఇక సెకండ్ కంటెస్టెంట్ గా నువ్వు నాకు నచ్చావ్ లో హీరోయిన్ ఆర్తి అగర్వాల్ చెల్లెలుగా నటించిన ‘పింకి’ ఎంట్రీ ఇచ్చింది. ఈమె అసలు పేరు సుదీప. ఇక మూడో కంటెస్టెంట్ గా యూట్యూబర్ ‘శ్రీహాన్’ ఎంట్రీ ఇచ్చాడు. నాలుగో కంటెస్టెంట్ గా నేహా అడుగుపెట్టింది.
ఇక ఐదో కంటెస్టెంట్ గా చలాకీ చంటీ ఎంట్రీ ఇచ్చాడు. మల్లెమాలతో కాంట్రాక్టును బ్రేక్ చేసి మరీ చంటి ఎంట్రీ ఇచ్చినట్టు తెలుస్తోంది. మరి మల్లెమాలకు రూ.10లక్షలు చెల్లించాడో లేదో కానీ.. ఈటీవీ నుంచి మాటీవీ బిగ్ బాస్ లోకి ఎంట్రీ ఇచ్చాడు.
చిన్నప్పుడే తండ్రి కర్కశత్వానికి తల్లిని కోల్పోయానని.. తన భార్యనే తనను నిలబెట్టిందని చంటీ ఎమోషనల్ అయ్యారు. సినిమాల్లో బుల్లితెరపై యాక్టర్ గా, కమెడియన్ గా చంటి కష్టపడి ఎదిగాడని ప్రోమో చూపించారు. ఇక చివర్లో హోస్ లోకి ఎంట్రీ ఇస్తూ కార్డ్ తీయగా ‘హార్ట్’ సింబల్ చంటీకి వచ్చింది. ఆ హార్ట్ సింబల్ ఏంటో హౌస్ లోకి వెళ్లాక చెబుతానని చెప్పిన నాగార్జున.. చంటిని బిగ్ బాస్ హౌస్ లోకి పంపించారు.
