Bigg Boss 6 Telugu Arjun Kalyan: తెలుగు బుల్లితెరపై బిగ్గెస్ట్ రియాలిటీ షో ‘బిగ్ బాస్’ లాంచ్ అయ్యింది. కింగ్ నాగార్జున చేతుల మీదుగా 6వ సీజన్ ఘనంగా ప్రారంభమైంది. ఓ పేకమీడల మధ్యలో నాగార్జునను నిలబెట్టి.. బిగ్ బాస్ థీమ్ ను ప్రజెంట్ చేస్తూ షోను మొదలుపెట్టారు. బ్యాక్ గ్రౌండ్ లో కమలాసన్ ‘విక్రమ్’ మూవీ మ్యూజిక్ వస్తుండగా.. విదేశీ సుందరాంగుల మధ్యలో నుంచి నాగార్జున బయటకొచ్చి ‘బంగార్రాజు’ పాటకు స్టెప్పులేసి బిగ్ బాస్ 6ను లాంచ్ చేశారు.
పోయిన సారి సెట్ కంటే ఈసారి కాస్తా కలర్ ఫుల్ గా బిగ్ బాస్ హౌస్, సెట్ వేశారు. ఎంటర్ టైన్ మెంట్ కు అడ్డా 6, ఎంటర్ టైన్ మెంట్ కు అడ్డా ఫిక్స్ అంటూ నాగార్జున మొదట బిగ్ బాస్ ఇంటిని వెరైటీగా చూపించారు. ఈసారి బిగ్ బాస్ హౌస్ ను ఒక పాట రూపంలో వినూత్నంగా ఆవిష్కరించారు. హౌస్ మాత్రం ఎంతో అందంగా ముస్తాబు చేశారు. డైనింగ్ హాల్, స్విమ్మింగ్ ఫూల్, గార్డెన్ ఏరియా సహా అన్నింటిని కలవ్ ఫుల్ గా డిజైన్ చేశారు. చూస్తుంటేనే ఆహ్లాదకరంగా ఇది ఉంది. ఈసారి ఎంటర్ టైన్ మెంట్ అదిరిపోయేలా కనిపిస్తోంది.
బిగ్ బాస్ హౌస్ లోకి తొలి కంటెస్టెంట్ గా సీరియల్ యాక్టర్ ‘కీర్తి’ అడుగుపెట్టింది. ఇక సెకండ్ కంటెస్టెంట్ గా నువ్వు నాకు నచ్చావ్ లో హీరోయిన్ ఆర్తి అగర్వాల్ చెల్లెలుగా నటించిన ‘పింకి’ ఎంట్రీ ఇచ్చింది. ఈమె అసలు పేరు సుదీప. ఇక మూడో కంటెస్టెంట్ గా యూట్యూబర్ ‘శ్రీహాన్’ ఎంట్రీ ఇచ్చాడు. నాలుగో కంటెస్టెంట్ గా నేహా అడుగుపెట్టింది. ఇక ఐదో కంటెస్టెంట్ గా జబర్ధస్త్ కమెడియన్ చలాకీ చంటీ ఎంట్రీ ఇచ్చాడు. 6వ కంటెస్టెంట్ గా సింగర్, మోడల్ శ్రీ సత్య ఎంట్రీ ఇచ్చింది.
బిగ్ బాస్ హౌస్ లోకి 7వ కంటెస్టెంట్ గా అర్జున్ కళ్యాణ్ మంచి డ్యాన్స్ చేస్తూ ఎంట్రీ ఇచ్చాడు. వైజాగ్ కు చెందిన మధ్యతరగతి కుటుంబానికి చెందిన అర్జున్ కళ్యాణ్ సినీ పరిశ్రమపై ప్రేమతో అమెరికాలో నటనలో శిక్షణ తీసుకున్నాడు. ఆ తర్వాత సినిమాల్లో ప్రయత్నించాడు. ‘ప్రేమమ్’ లో ఒక క్యారెక్టర్ చేశాడు. సినిమాల్లో, వెబ్ సిరీస్ లలో క్యారెక్టర్ ఆర్టిస్ట్ గా నటిస్తూ నటుడిగా కొనసాగుతున్నారు. వర్ధమాన నటుడిగా రాజన్ కు పేరుంది.
ప్రేమలో విఫలమై డిప్రెషన్ లోకి వెళ్లినట్టు అర్జున్ స్టేజ్ పై చెప్పుకొచ్చాడు. ఒక గణపతి విగ్రహాన్ని నాగార్జునకు గిఫ్ట్ గా ఇచ్చాడు. దాన్ని అతడికే నాగార్జున ఇచ్చి బిగ్ బాస్ హౌస్లోకి పంపించాడు. బిగ్ బాస్ హౌస్ లోకి 7వ కంటెస్టెంట్ గా అర్జున్ ఎంట్రీ ఇచ్చాడు.
