Actor Nani: నాని హీరోగా రాహుల్ సంకృత్యాన్ దర్శకత్వంలో తెరకెక్కుతోన్న సినిమా శ్యామ్సింగరాయ్. ఈ సినిమా కోసం ప్రేక్షకులు ఎంతగానో ఎదురుచూస్తున్నారు. నిహారిక ఎంటర్టైన్మెంట్ పతాకంపై వెంకట్ బోయినపల్లి ఈ సినిమాను నిర్మిస్తున్నారు. ఇప్పటికేే ఈ సినిమాకు సంబంధించిన పోస్టర్లు, వీడియోలు విడుదలై సినిమాపై భారీ అంచనాలు క్రియేట్ చేశాయి. తాజాగా, ఈ సినిమాకు సంబంధించిన కొత్త అప్డేట్ వచ్చింది.
వచ్చే నెలలో ఈ సినిమా విడుదల కానున్న నేపథ్యంలో ప్రమోషన్స్ను ముమ్మరం చేసింది చిత్ర బృందం. ఈ క్రమంలోనే టీజర్ విడుదలకు సన్నాహాలు చేస్తోంది. నాని కెరీర్లో భారీ బడ్జెట్తో తెరకెక్కుతోన్న ఈ సినిమాపై భారీ అంచనాలు ఉన్నాయి. ఈ సినిమా టీజర్ ఎలా ఉంటుందనే విషయంపై సర్వత్రా ఆసక్తి నెలకొంది. ఈ సినిమా టీజర్ను నవంబరు 18న విడుదల చేయనున్నారు. మరోవైపు, నాని ఓ సరికొత్త ఫొటోను సోషల్ మీడియా వేదికగా షేర్ చేశారు. ప్రస్తుతం ఈ ఫొటో వైరల్గా మారింది.
కాలుమీద కాలు వేసుకుని.. ఆగమని ఆజ్ఞాపిస్తూ.. ఉన్న నాని ఫొటో సూపర్గా ఉంది. ఈ సినిమాలో సాయి పల్లవి, కృతి శెట్టి, మడోన్నా సెబాస్టియన్ లు హీరోయిన్లుగా నటిస్తున్నారు. మిక్కీ జే మేయర్ సంగీతం అందిస్తున్నారు. వచ్చే నెల 24 వ తేదీన ఈ చిత్రాన్ని విడుదల చేసేందుకు మేకర్స్ సన్నాహాలు చేస్తున్నారు. కాగా, చాలా కాలంగా సాలిడ్ హిట్కోసం ఎదురుచూస్తున్న నానికి ఈ సినిమా బ్రేక్ ఇచ్చే అవకాశాలు కనిపిస్తున్నాయి.