Samantha: ఇటీవల వార్తల్లో, సోషల్ మీడియా లో వినిపించే పేరు సమంత ఎక్కడికి వెళ్ళినా మీడియా తన చుట్టు తిరుగుతుంది. అక్కినేని నాగ చైతన్య తో విడాకుల ప్రకటనకు ముందు , ప్రకటన తర్వాత కూడా … సామ్ వార్తల్లో హాట్ టాపిక్ గా నిలిచారు. సోషల్ మీడియా లో యాక్టివ్ గా ఉండే సమంత… తనపై వస్తున్న రూమర్లకు తనదైన శైలిలో స్పందిస్తూ మండిపడ్డ విషయం తెలిసిందే.
అయితే తెలుగు, తమిళ భాషల్లో వరుస చిత్రాలతో ఎప్పుడూ బిజీగా ఉండే ఈ ముద్దుగుమ్మ తన మకాం కొంతకాలం ముంబైకి మార్చునుందా… అనే వార్తలు వస్తున్నాయి. ఆమె జీవితంలో వ్యక్తిగతంగా జరిగిన విషయాలను పుల్ స్టాప్ పెట్టి, నటన పై దృష్టి పెట్టాలనుకుంటున్నారు సమంత. ప్రస్తుతం తెలుగులో శాకుంతలం సినిమా కంప్లీట్ చేశారు. గుణశేఖర్ ఈ చిత్రానికి దర్శకత్వం వహిస్తున్నారు.
ది ఫ్యామిలీ మ్యాన్2’ వెబ్ సిరీస్ లో విలక్షణమైన పాత్రలో నటించి మెప్పించింది సమంత. ఈ పాత్రకు గాను ప్రశంసలు కూడా అందుకున్నారు సమంత. ఈ వెబ్ సిరీస్ తర్వాత బాలీవుడ్ లో సమంతకు క్రేజ్ పెరిగింది. ఈ కారణంతోనే సమంతకు ఓ బాలీవుడ్ సినిమా సైన్ చేశారని సమాచారం. బాలీవుడ్ చిత్రాలపై ఆసక్తి చూపుతున్నారు అని సమంతకు మరిన్ని హిందీ సినిమాల్లో నటించే అవకాశాలు ఉన్నాయి.
ఎటువంటి విలక్షణమైన పాత్రలోనైనా … తన నటనను ప్రదర్శించాలని సామ్ ఆలోచనలో ఊన్నట్లు సమాచారం. ప్రస్తుతం ఈ ముద్దుగుమ్మ విజయ్ సేతుపతితో కలిసి ఓ సినిమాలో నటిస్తున్నారు. ఈ మూవీలో నయనతార కూడా మరో హీరోయిన్ గా చేస్తుంది.
