Sai Pallavi
Sai Pallavi: అందం, అభినయం, నటన కలగలుపుకొని పుట్టిన బ్యూటీ సాయి పల్లవి. నాచురల్ బ్యూటీ, నాచురల్ నటనతో ఎంతో మంది అభిమానులను సంపాదించింది ఈ బ్యూటీ. ఇక ఈ అమ్మడుకు పవర్ స్టార్ అనే ట్యాగ్ లైన్ వచ్చిందంటే ఆమె నటన గురించి అర్థం చేసుకోవచ్చు. అయితే తన సినీ కెరీర్ కు ఫుల్ స్టాప్ పెట్టేసిందని.. ఇక సినిమాల్లో నటించదని ఎన్నో వార్తలు వచ్చాయి. దీంతో ఆమె అభిమానులు తెగ ఆందోళన చెందారు. కానీ ఆ వార్తల్లో నిజం లేదని తెలియజేస్తూ.. ఎన్నో క్రేజీ ప్రాజెక్ట్ లతో బిజీ అయిపోయింది బ్యూటీ
ఫిదా భానుమతి అయినా.. శ్యామ్ సింగరాయ్ రోజీ అయినా పాత్ర ఏదైనా కానీ అందులో ఒదిగిపోయి జీవించేస్తుంది ఈ బ్యూటీ. నటన మాత్రమే కాదు స్క్రీన్ పై సాయి పల్లవి డాన్స్ వేస్తే థియేటర్ దద్దరిల్లాల్సిందే. లవ్ స్టోరీ మూవీ లో ఆమె చేసిన డాన్స్ కు వరల్డ్ వైడ్ ఫ్యాన్స్ ఫిదా అయిపోయారు. ఇప్పుడు నాగచైతన్య తండేల్ సినిమాలో పక్కా పల్లెటూరు అమ్మాయిగా నటిస్తోంది సాయి పల్లవి. చందూ మొండేటి దర్శకత్వంలో తెరకెక్కుతున్న ఈ సినిమాపై అంచనాలు భారీగా నెలకొన్నాయి. ఈ సినిమా తో పాటు శివ కార్తికేయన్ తో కలిసి ఒక యాక్షన్ డ్రామా చేస్తుంది.
వీటితో పాటుగా బాలీవుడ్ బడా హీరో అమీర్ ఖాన్ కొడుకు జునైద్ ఖాన్ తో ఓ హిందీ సినిమాకు సాయి పల్లవి ఓకే చెప్పింది. ఈ సినిమాతో ఆమె బాలీవుడ్ లోకి ఎంట్రీ ఇవ్వనుంది అని టాక్. ఈ సినిమాకు సంబంధించిన షూటింగ్ జపాన్ లో జరుగుతుంది. అక్కడ సెట్స్ నుంచి లీకైన కొన్ని ఫోటోస్ సోషల్ మీడియాలో వైరల్ అవుతున్నాయి. ఇప్పుడు జపాన్ లో సపరో స్నో ఫెస్టివల్ జరుగుతుండడంతో.. ఈ వేడుకకు వెళ్లారు చిత్ర బృందం. ఈ సందర్భంగా అక్కడ జునైద్ ఖాన్, సాయి పల్లవితో కలిసి చిత్ర బృందం కలిసి దిగిన ఫోటోలు సోషల్ మీడియాలో వైరల్ అయ్యాయి.
లవ్ స్టోరీ కాన్సెప్ట్ తో తెరకెక్కిస్తున్న ఈ సినిమాకు సంబంధించిన షూటింగ్ శరవేగంగా జరుగుతుంది. ఫోటోలు బ్లర్ గా ఉన్నా.. హీరో హీరోయిన్ మధ్య కెమిస్ట్రీ మాత్రం అద్భుతంగా ఉందన్న విషయం ఫోటోలను చూస్తే అర్థం అవుతుంది. సోషల్ మీడియాలో హల్ చల్ చేస్తున్న ఈ ఫోటోలు మూవీపై అంచనాలను పెంచేస్తున్నాయి. ఇక సాయి పల్లవి ఈ సినిమాతో ప్రేక్షకులను ఏ మేర మెప్పిస్తుందో చూడాలి.
