HBD Victory Venkatesh: కామెడీ, ఫ్యామిలీ ఎంటర్టైనర్కు కేరాఫ్ అడ్రస్ విక్టరీ వెంకటేశ్. అభిమానులు ముద్దుగా వెంకీ మామ అని పిలుస్తుంటారు. పాత్రేదైనా, డైలాగ్ ఎలా ఉన్నా.. తన మేనరిజంతో ప్రేక్షకులను థియేటర్లకు రప్పించే సత్తా ఉన్న వ్యక్తి వెంకి. ఈ రోజు సీనియర్ హీరో విక్టరీ వెంకటేశ్ పుట్టినరోజు. ఈ సందర్భంగా ఆయనకు పుట్టిన రోజు శుభాకాంక్షలు చెప్తూ.. అభిమానులు, సెలబ్రిటీలు విషెష్ చెబుతున్నారు.
ఈ క్రమంలోనే తాజాగా వెంకీ మామకు విషెష్ చెప్తూ.. ఏఫ్3 మేకర్స్ సరికొత్త వీడియోను విడుదల చేశారు. వెంకటేశ్ చుట్టూ ఉన్న వ్యక్తులతో చార్మినార్ ముందు విశ్రాంతి తీసుకుంటూ కనిపించడంతో రాజులా ఎంట్రీ ఇచ్చాడు. హైదరాబాద్ సంస్కృతి కనిపించేలా ఈ లుక్లో ప్రదర్శించారు. కాగా, వెంకటేశ్ ప్రధాన పాత్రలో నటిస్తున్న సినిమా ఎఫ్3, ఇందులో వరుణ్ తేజ్కూడా హీరోగా కనిపించనున్నారు. ఇందులో తమన్న, మెహరిన్ హీరోయిన్లుగా కనిపించున్నారు. అనిల్ రావిపూడి దర్శకత్వంలో తెరకెక్కుతోన్న ఈ సినిమాలో సునీల్ కూడా కీలక పాత్ర పోషిస్తున్నారు. వచ్చే ఏడాది ఫిబ్రవరి 25న ఈ సినిమా విడుదల కానుంది. శ్రీ వెంకటేశ్వర క్రియేషన్స్పై దిల్రాజు ఈ సినిమాను నిర్మిస్తున్నారు. దేవిశ్రీ ప్రసాద్ సంగీతం అందిస్తున్నారు.
కాగా, 2019 సంక్రాంతి కానుకగా విడుదలైన ఎఫ్2.. ప్రేక్షకుల మనసు దోచుకుంది. అందులో కామెడీతో నవ్వులు పూయిస్తూనే.. సెంటిమెంటల్గా భార్య, భర్తల అనుబంధం గురించి చక్కగా వివరించారు. మరి ఈ సారి ఎలాంటి స్టోరీతో అనిల్ రావిపుడి థియేటర్లలోకి అడుగుపెట్టనున్నారో తెలియాలంటే సినిమా విడుదలయ్యేంతవరకు వేచి చూడాల్సిందే.