RGV: కరోనా ప్రభావం సినీ పరిశ్రమకు నూతన టెక్నాలజీ పరిచయం చేసిందనడంలో ఎటువంటి సందేహం లేదు. ఈ క్రమంలోనే ఓటీటీ ప్లాట్ఫామ్ చిత్రసీమలో నయా ట్రెండ్ సృష్టించింది. ప్రస్తుతం ఆన్లైన్ వేదికగా ఎంటర్టైన్మెంట్ బిజినెస్ మంచి విజయాన్ని సాధిస్తోందనడంలో ఎటువంటి సందేహం లేదు. అయితే సినిమాకు కొత్త ట్రెండ్ సృష్టించి.. ఇప్పటికీ కొత్త ప్రయోగాలతో దూసుకెళ్తున్నారు ప్రముఖ దర్శకుడు రామ్గోపాల్ వర్మ. తాజాాగా నూతన మార్కెట్ను చిత్ర సీమకు పరిచయం చేసేందుకు సిద్ధమయ్యారు ఆర్జీవీ.
నాన్ ఫంజిబుల్ టోకెన్(ఎన్ఎఫ్టీ).. వినోద పరిశ్రమలో ప్రస్తుతం నడుస్తున్న ట్రెండ్ ఇదే. ప్రపంచంలోనే తొలిసారిగా తాను తెరకెక్కించిన డేంజరస్ సినిమాను ఎన్ఎఫ్టీలో సేల్కు పెట్టి చరిత్ర సృష్టించారు. దీంతో ఈ ఎన్ఎఫ్టీ అంటే ఏమిటి?. అందులో సినిమాను ఎలా అమ్ముతారు? కొనడం ఎలా? అనే అంశాలపై న్యూస్ ఛానెల్స్, నెట్టింట చర్చలు మొదలయ్యాయి. ఎన్ఎఫ్టీ, బ్లాక్చైన్ మార్కెట్లు ఓటీటీల మాదిరి కాదు. ఆ ప్లాట్ఫామ్లో నడిచేది బిజినెస్ మాత్రమే. ఈ ట్రాన్షాక్షన్లను నిర్వహించేందుకు కొన్ని కంపెనీలు పనిచేస్తుంటాయి.
ఇంకా వివరంగా చెప్పాలంటే.. ఎన్ఎఫ్టీ ద్వారా వర్మ సినిమాలకు మనం కూడా నిర్మాతలుగా మరే ఛాన్స్ ఉంది. ఇందలో సినిమాలను అమ్మకానికి పెట్టినప్పుడు.. ఆ సినిమాను ఇన్ని వాల్యూన్ యూనిట్స్ అని డిసైడ్ చేస్తారు. ఒకవేళ సినిమా నచ్చితే.. ఉన్న ఆసక్తిని బట్టి ఎన్ని యూనిట్లైనా కొనే సదుపాయం ఉంది. మీరు కొన్న యూనిట్లను బట్టి.. సినిమా వాల్యూమ్స్లో మీ షేర్ నిర్ణయిస్తారు. ఈ తర్వాత సినిమా ఏ ప్లాట్ఫామ్లో విడుదలైనా.. ఎలాంటి కలెక్షన్లు సాధించినా… అందులో మీ షేర్ మీకు అందుతుంది.
