Retro pre release event : తమిళ హీరో సూర్య(Suriya Sivakumar) నటించిన లేటెస్ట్ చిత్రం ‘రెట్రో'(Retro Movie) తెలుగు వీరేశం కి సంబంధించిన ప్రీ రిలీజ్ ఈవెంట్ కి విజయ్ దేవరకొండ(Vijay Devarakonda) ముఖ్య అతిథిగా విచ్చేసిన సంగతి మన అందరికీ తెలిసిందే. ఈ ప్రీ రిలీజ్ ఈవెంట్ లో విజయ్ దేవరకొండ మాట్లాడిన మాటలు సోషల్ మీడియా లో బాగా వైరల్ అయ్యాయి. కాశ్మీర్ గురించి, దేశ భక్తి గురించి చాలా గొప్పగా మాట్లాడాడు. నెటిజెన్స్ నుండి ఆయనకు మంచి మార్కులు పడ్డాయి. కానీ మధ్యలో ఆయన కాస్త నోరు జారడంతో ఇప్పుడు సమస్యల్లో చిక్కుకున్నాడు. పహల్గాం ఉగ్రదాడినిఉద్దేశించి మాట్లాడుతూ ‘ఆదివాసులు లాగా బుద్ధి లేకుండా ఇంకా కొట్టుకోవడం, చంపుకోవడం ఏమిటి రా’ అంటూ రెచ్చిపోయాడు. దీనికి మన్యం జిల్లా ఆదివాసీ JAC నేతలు తీవ్రంగా మండిపడుతూ, విజయ్ దేవరకొండ వ్యాఖ్యలను ఖండించిన సంగతి మన అందరికీ తెలిసిందే.
Also Read : రెట్రో’ ని డబుల్ మార్జిన్ తో డామినేట్ చేస్తున్న ‘హిట్ 3’ అడ్వాన్స్ బుకింగ్స్!
నిన్న ప్రముఖ న్యాయవాది లాల్ చౌహాన్ ఈ అంశంపై పోలీసులకు ఫిర్యాదు చేసాడు. విజయ్ దేవరకొండ చేసిన వ్యాఖ్యలకు మా మనోభావాలు దెబ్బతిన్నాయని, తక్షణమే అతని పై చర్యలు తీసుకోవాలంటూ డిమాండ్ చేసారు. తీవ్రవాదులు చేసిన దుశ్చర్యలను తమతో పోల్చి చూడడం అమానుషం అని ఆదివాసీ JAC ఈ సందర్భంగా వ్యాఖ్యానించారు. అయితే పోలీసులు ఇంకా విజయ్ దేవరకొండ పై కేసు నమోదు చేయలేదు. ఈ అంశంపై న్యాయపరమైన సలహాలు తీసుకోవడం అవసరమని, పరిశీలించిన తర్వాత చర్యలు తీసుకుంటామని చెప్పారట. అయితే JAC నేతలు అనంతరం మీడియా తో మాట్లాడుతూ విజయ్ దేవరకొండ మా మనోభావాలు దెబ్బ తీసేలా మాట్లాడినందుకు క్షమాపణలు చెప్పాలి అంటూ డిమాండ్ చేశారు. అయితే ఇంత రచ్చ జరిగిన తర్వాత కూడా విజయ్ దేవరకొండ ఇప్పటి వరకు ఈ అంశం పై ఎలాంటి స్పందన ఇవ్వలేదు. బహుశా ఆయన వరకు ఈ అంశం చేరిందో లేదో తెలియదు.
ఇకపోతే విజయ్ దేవరకొండ రీసెంట్ గా గౌతమ్ తిన్ననూరి తో కలిసి ‘కింగ్డమ్’ అనే చిత్రం చేసిన సంగతి తెలిసిందే. లైగర్, ఖుషి, ఫ్యామిలీ స్టార్ వంటి ఘోరమైన డిజాస్టర్ ఫ్లాప్స్ తర్వాత విజయ్ దేవరకొండ చేస్తున్న చిత్రమిది. ‘జెర్సీ’ లాంటి నేషనల్ అవార్డు విన్నింగ్ సినిమా ని తీసిన డైరెక్టర్ కావడంతో, కచ్చితంగా ఈ చిత్రం భారీ హిట్ అవుతుందని బలమైన నమ్మకం తో ఉన్నారు ఫ్యాన్స్. రీసెంట్ గా విడుదల చేసిన గ్లింప్స్ వీడియో కి కూడా అద్భుతమైన రెస్పాన్స్ వచ్చింది. మొన్న సాయంత్రం ఈ చిత్రం లోని మొదటి పాటకు సంబంధించిన ప్రోమో వీడియో ని విడుదల చేసారు. నేడు పూర్తి పాటని విడుదల చేయబోతున్నారు. ఈ పాటకు ఆడియన్స్ నుండి ఎలాంటి రెస్పాన్స్ వస్తుందో చూడాలి. ఈ సినిమా భారీ విజయం సాధించడం విజయ్ దేవరకొండ కు ఇప్పుడు అత్యవసరం. మే30 న ఈ చిత్రం ప్రేక్షకుల ముందుకు రానుంది.
Also Read : రెట్రో’ చిత్రాన్ని మిస్ చేసుకున్న సూపర్ స్టార్ అతనేనా..?
