1945 Movie: దగ్గుబాటి కుటుంబంలో నుంచి వచ్చి ఇప్పుడు స్టార్ హీరోగా గుర్తింపు పొందారు రానా దగ్గుబాటి. బాహుబలితో ప్రపంచ స్థాయిలో గుర్తింపు పొందిన ఈ హీరో.. వరుసగా విభిన్న చిత్రాలతో ముందుకు దూసుకెళ్లిపోతున్నారు. అందరూ బాహుబలి తర్వాత విలన్ పాత్రల్లోనే రానా ఇకపై కనిపిస్తాడని అనుకున్నారు. కానీ అరణ్య సినిమాతో అందరి అంచనాలు తలకిందులు చేసి చూపించారు. ఇప్పుడు పవన్ కళ్యాణ్ హీరోగా వస్తున్న భీమ్లనాయక్లోనూ కీలక పాత్ర పోషిస్తున్నారు. ఈ సినిమా పోటాపోటీగా ఉండనుందని విడుదలైన టీజర్, పాటలు చూస్తుంటేనే తెలుస్తోంది.
1945 Movie
కాగా, తాజాగా రానా నటించన సినిమాల్లో 1945 ఒకటి. పేట్రియాటిక్ నేపథ్యంలో రానున్న ఈ సినిమా ఈ నెల 31న విడుదల కానుంది. ఈ విషయాన్ని చిత్ర నిర్మాత సి. కళ్యాణ్ తెలిపారు. నిజానికి ఈ సినిమా 2016లోనే పూర్తి కాగా..తెలుగు, తమిళ, హిందీ భాషల్లో ఈ మూవీని సత్యశివ తెరకెక్కించారు. అయితే, కొన్ని అనివార్య కారణాల వల్ల విడుదల వాయిదా పడుతూ వచ్చింది.
Also Read: తమిళ ఇండస్ట్రీలో మరో విషాదం… రోడ్డు పక్కన అనాథ శవంలా ప్రముఖ దర్శకుడు
ప్రాణాలను పణంగా పెట్టి బ్రిటిష్ వారికి వ్యతిరేకంగా పోరాడిన ఎన్.ఐ.ఎ. (నేషనల్ ఇండియన్ ఆర్మీ) సోల్జర్ గా, సుభాష్‌ చంద్రబోస్ అనుయాయిగా రానా ఇందులో నటించారు. భారీ బడ్జెట్ తో తెరకెక్కిన ఈ చిత్రానికి అనంత శ్రీరామ్ పాటలు రాయగా, ఆకుల శివ సంభాషణలు అందించాడు. ఇప్పటికే సెన్సార్ కార్యక్రమాలు పూర్తి చేసుకున్న పిరియాడిక్ మూవీ ‘1945’ ట్రైలర్ ను త్వరలో విడుదల చేయబోతున్నట్టు సి. కళ్యాణ్ తెలిపారు.
ఈ సినిమాతో పాటు విరాట పర్వం కూడా సినిమా షూటింగ్ పూర్తి చేసుకుని విడుదల సిద్ధంగా ఉంది. ఇందులో రానా, సాయిపల్లవి జంటగా నటించారు. వేణు ఉడుగుల ఈ సినిమాకు దర్శకత్వం వహించారు. కరోనా కారణంగా ఈ సినిమా విడుదల వాయిదా పడుతూ వస్తోంది.
Also Read: భీమ్లానాయక్ రన్టైమ్ లాక్.. సుత్తె కొట్టకుండా ఉండేందుకే అలా చేశారంట?
