Ram The Warriorr: ఎనర్జిటిక్ స్టార్ గా రామ్ పోతినేనికి మంచి క్రేజ్ ఉంది. ప్రస్తుతం రామ్ – దర్శకుడు లింగుస్వామి కాంబినేషన్లో తెరకెక్కుతున్న సినిమా ‘ది వారియర్’. కాగా తాజాగా ఈ సినిమా రిలీజ్ డేట్ వచ్చేసింది. వరల్డ్ వైడ్గా జూన్ 14వ తేదీన ఈ సినిమాను భారీ స్థాయిలో తెలుగు, తమిళ భాషలలో ప్రేక్షకుల ముందుకు తీసుకురాబోతున్నారు. ఈ మేరకు కొత్త పోస్టర్ ను డిజైన్ చేసి వదిలారు మేకర్స్.
ఇక తన కెరీర్ లోనే మొదటిసారిగా రామ్ పక్కా పోలీస్ ఆఫీసర్ పాత్రలో నటిస్తున్నాడు. అందుకే.. ఈ సినిమా విషయంలో రామ్ ఫ్యాన్స్ భారీ హోప్స్ పెట్టుకున్నారు. ఈ చిత్రంలో ఆది పినిశెట్టి విలన్గా నటించనున్నాడు. ఆది ఈ నెల 24వ తేదీన తన ఎంగేజ్ మెంట్ చేసుకున్న సంగతి తెలిసిందే. ఈ ‘ది వారియర్’ సినిమా షూటింగ్ సమయంలోనే ఆది పినిశెట్టి పెళ్లి ఫిక్స్ చేసుకున్నాడు.
అన్నట్టు లింగుస్వామి దర్శకత్వంలో రామ్ చేస్తోన్న సినిమా ఓ పాన్ ఇండియా సినిమా. అందుకే రామ్ ఈ సినిమా కోసం మొదటి నుంచి బాగా కష్టపడుతున్నాడు. కెరీర్ లో మొదటిసారి చేస్తోన్న పాన్ ఇండియా సినిమా కాబట్టి.. తన బాడీ ట్రాన్స్ఫర్మేషన్ కోసం జిమ్ లో వ్యాయామం చేస్తూ గడుపుతున్నాడు. పైగా గత కొంత కాలంగా రామ్ ఎనర్జిటిక్ స్టార్ గా తనను తాను బాగానే ప్రమోట్ చేసుకుంటున్నాడు.
కానీ ఎందుకో స్టార్ హీరోగా చలామణి కాలేకపోయాడు. నిజానికి రామ్ కి స్టార్ హీరో అయ్యే అన్ని ఫీచర్స్ ఉన్నాయి. కానీ, రామ్ మాత్రం ఇంకా ఏవరేజ్ హీరో స్థాయికే పరిమితం కావాల్సి వచ్చింది. అయితే, ఈ మధ్యలో ‘ఇస్మార్ట్ శంకర్’తో తన మార్కెట్ పరిధిని పెంచుకున్నాడు, కాకపోతే అంతలోనే రెడ్ అంటూ వచ్చిన హైప్ ను పోగొట్టుకుని.. ఆ స్టార్ డమ్ ను క్యాష్ చేసుకోలేకపోయాడు.
ఇప్పుడు సినిమాలు హిట్ అయితేనే మళ్ళీ స్టార్ రేసులోకి వెళ్తాడు. అయితే, తన కంటే వెనుక వచ్చిన విజయ్ దేవరకొండ లాంటి హీరోలు కూడా స్టార్ హీరోలుగా క్రేజ్ తెచ్చుకుంటుంటే.. తను మాత్రం ఇంకా మిడిల్ రేంజ్ హీరోగానే ఎందుకు ఉండాలి ? అనేది రామ్ ప్రస్తుత పాయింట్. అందుకే, తాను కూడా ఇక నుంచి విజయ్ దేవరకొండ రూట్ లోనే వెళ్లడానికి కసరత్తులు చేస్తున్నాడు. విజయ్ లాగే తన మార్కెట్ పెంచడానికి ఒక ప్రత్యేక టీమ్ ను కూడా పెట్టుకున్నాడు. ఇక లింగుస్వామి సినిమా పూర్తి చేసిన వెంటనే.. బోయపాటి తో సినిమాని సెట్ చేసే పనిలో ఉన్నాడు రామ్,
