Ram Charan And Sukumar: ఇండియా లోనే బిగ్గెస్ట్ సూపర్ స్టార్స్ లో ఒకరు గ్లోబల్ స్టార్ రామ్ చరణ్ . డైరెక్టర్స్ సరిగ్గా ఉపయోగించుకోవాలి కానీ , పాన్ వరల్డ్ బాక్స్ ఆఫీస్ ని షేక్ చేయగల సత్తా రామ్ చరణ్ కి ఉంది. ఒక్క మాటలో చెప్పాలంటే మన టాలీవుడ్ కి గొప్ప పేరు ప్రఖ్యాతలు తీసుకొని రాగల అరుదైన సంపద రామ్ చరణ్. ఇలాంటి సూపర్ స్టార్ ఏడాది కనీసం రెండు సినిమాలైనా చేస్తే , ఇండస్ట్రీ చాలా పచ్చగా ఉంటుంది , థియేటర్స్ కళకళలాడుతాయి. కానీ అది జరగడం లేదు , ఈయన ఒక్కో సినిమా చేయడానికి రెండు నుండి మూడేళ్ళ సమయం తీసుకుంటున్నాడు , ఆ కారణం చేత రామ్ చరణ్ అప్పుడప్పుడు రేస్ లో వెనకబడినట్టుగా మన అందరికీ అనిపిస్తూ ఉంటుంది. #RRR తర్వాత దాదాపుగా మూడేళ్లు ‘గేమ్ చేంజర్ ‘ చిత్రానికి డేట్స్ కేటాయించాడు.
ఆ సినిమా ఎంత పెద్ద డిజాస్టర్ ఫ్లాప్ గా నిల్చిందో మన అందరికీ తెలిసిందే. ఈ సినిమా తర్వాత ఆయన మరో ఏడాదిన్నర ‘పెద్ది’ చిత్రానికి కేటాయించాడు. రీసెంట్ గానే భారీ అంచనాల నడుమ విడుదలైన ఈ చిత్రం బాక్స్ ఆఫీస్ వద్ద ఓపెనింగ్స్ నుండి , లాంగ్ రన్ వరకు అద్భుతాలు నెలకొల్పుతూ ముందుకు దూసుకెళ్తుంది. 6 రోజుల్లోనే 275 కోట్ల రూపాయిల గ్రాస్ ని కొల్లగొట్టి , 300 కోట్ల గ్రాస్ వైపు పరుగులు తీస్తోంది. అయితే ఈ చిత్రం తర్వాత రామ్ చరణ్ సుకుమార్ తో ఒక సినిమా చేయడానికి గ్రీన్ సిగ్నల్ ఇచ్చిన సంగతి తెలిసిందే. ఈ సినిమా షూటింగ్ ఎప్పుడు మొదలు అవుతుందో తెలియని పరిస్థితి. ఇప్పటికీ సుకుమార్ ఈ చిత్రానికి సంబంధించిన స్క్రిప్ట్ వర్క్ ని పూర్తి చేయలేదట, ఏ జానర్ లో సినిమా చెయ్యాలి అనేది కూడా ఫిక్స్ అవ్వలేదట.
ఈ ఏడాది అక్టోబర్ ,లేదా నవంబర్ నెలలో ఈ చిత్రానికి సంబంధించిన స్క్రిప్ట్ వర్క్ పూర్తి అవ్వుద్దని , వచ్చే ఏడాది సెకండ్ హాఫ్ నుండి షూటింగ్ కార్యక్రమాలు మొదలు అవుతాయని అంటున్నారు. సుకుమార్ తన ప్రతీ సినిమాని పూర్తి చేయడానికి ఎంత సమయం తీసుకుంటాడో ప్రత్యేకించి చెప్పనవసరం లేదు. ఈ చిత్రానికి కూడా ఆయన కనీసం రెండేళ్ల సమయం తీసుకునే అవకాశం ఉంది. అదే కనుక జరిగితే రామ్ చరణ్ అభిమానులు మరోసారి నిరాశ చెందక తప్పదు. ఇలా ఒక్కో సినిమాని పూర్తి చేయడానికి ఇన్నేళ్ల సమయం తీసుకుంటే , జెన్ జీ ఆడియన్స్ మనకి కనెక్ట్ అవ్వరని , రాబోయే రోజుల్లో వాళ్ళ రాజ్యమే సినీ ఇండస్ట్రీ లో నడుస్తుందని , రామ్ చరణ్ ఇది అర్థం చేసుకోకుంటే కష్టమని , చేసిన తప్పునే మళ్లీ మళ్లీ రిపీట్ చేస్తున్నాడంటూ సోషల్ మీడియా లో అభిమానులు ఆవేదన వ్యక్తం చేస్తున్నారు.
