Pushpaka Vimanam: విజయ్ దేవరకొండ తమ్ముడిగా సినీ పరిశ్రమలోకి అడుగు పెట్టాడు ఆనంద్ దేవరకొండ. ఈ సినిమా ప్రేక్షకులను ఆశించిన స్థాయిలో అలరించలేకపోయింది. కానీ వీరి నటనతో మాత్రం ప్రేక్షకుల్లో మంచి మార్కులే పడ్డాయి. ఆ తర్వాత మిడిల్ క్లాస్ మెలోడీస్ సినిమాతో మంచి విజయాన్ని అందుకున్నాడు ఆనంద్. కాగా కొత్త దర్శకుడు దామోదర తెరకెక్కిస్తున్న ”పుష్పక విమానం” అనే సినిమాలో నటిస్తున్నాడు ఆనంద్. ఈ సినిమాను కింగ్ అఫ్ ది హిల్ ఎంటర్టైన్మెంట్స్ మరియు టామ్ గా ప్రొడక్షన్స్ సంయుక్తంగా నిర్మించాయి. ఈరోజు వైజాగ్లో పుష్పక విమానం ప్రీ రిలీజ్ ఈవెంట్ను ఘనంగా నిర్వహిస్తున్నారు.
ఈ వేడుకకు ముఖ్య అతిధిగా విజయ్ పాల్గొననున్నాడు. ఆయనతో పాటు పలువురు సినీ ప్రముఖులు ఈ కార్యక్రమంలో పాల్గొనే అవకాశం ఉంది. తమ్ముడు ఆనంద్ దేవరకొండను హీరోగా ప్రమోట్ చేసేందుకు విజయ్ గట్టిగానే ప్రయత్నిస్తున్నాడు. ప్రమోషన్స్ ను తనదైన శైలిలో వినూత్నంగా చేస్తూ ఉంటాడు విజయ్. ఈనెల 10వ తేదీన మహబూబ్నగర్ లోని తమ సొంత థియేటర్ ఏవీడీ సినిమాస్లో పుష్పక విమానం మూవీ స్పెషల్ ప్రీమియర్ షోను వేయనున్నారు. ఈ ప్రీమియర్ షోకు విజయ్ పాల్గొననున్నాడు. ఇటీవల ఈ సినిమా ట్రైలర్ను ఐకాన్ స్టార్ అల్లు అర్జున్ విడుదల చేశారు. పెళ్లయిన తర్వాత భార్య వేరొకరితో వెళ్ళిపోతే ఆ యువకుడు పడే అవస్థలను ఈ సినిమాలో చూపించినట్లు తెలుస్తుంది. ఈ మూవీ నుంచి ఇప్పటికే విడుదలైన పోస్టర్లు, టీజర్ , ట్రైలర్ లకు ప్రేక్షకుల నుంచి మంచి స్పందన లభించింది.
