Pushpa in US: క్రియేటివ్‌ డైరెక్టర్‌ సుకుమార్ దర్శకత్వంలో ఐకాన్ స్టార్ అల్లు అర్జున్ లేటెస్ట్ మూవీ “పుష్ప”.ఈ నెల 17న విడుదలైన ఈ సినిమా బాక్సాఫీస్ వద్ద కాసుల వర్షం కురిపిస్తుంది. విడుదలైన రెండ్రోజుల్లోనే 100 కోట్ల క్లబ్లో చేరి రికార్డులను నెలకొల్పింది. ఈ సినిమాలో బన్నీ పర్ఫార్మెన్స్కు ఓ రేంజ్లో రెస్పాన్స్ వచ్చింది. ఈ సినిమాలో రష్మిక హీరోయిన్గా నటించింది. ఈ సినిమా ఒక్క ఇండియాలోనే కాకుండా, ఓవర్సీస్లోనూ భారీ కలెక్షన్లతో దూసుకెళ్లిపోతోంది.
Pushpa in US
ఈ సినిమా ప్రీ సేల్స్లో రికార్డు స్థాయిలో బుకింగ్స్తో భారీ క్రేజ్ అందుకున్న సంగతి తెలిసిందే. ఈ క్రమంలోనే పుష్పరాజ్ బాక్సాఫీసు వద్ద నిలబడి డాలర్ల వర్షం కురిపిస్తున్నాడు. యూఎస్లో ఇప్పటి వరకు 2 మిలియన్ల డాలర్ల మార్క్ క్రాస్ చేశారు ఐకాన్ స్టార్. మరి ఇలాగే ఈ వారం కూడా థియేటర్లో నిలుస్తాడా.. లేదా అన్నది తెలియాల్సి ఉంది.
Also Read: ఆంధ్రాలో పుష్ప చిత్రానికి భారీ దెబ్బ…!
కాగా, ఈ సినిమా మొదట్లో కాస్త మిశ్రమ స్పందన లభించినప్పటికీ.. కలెక్షన్ల పరంగా ఎక్కడా వెనకడుగు వేయట్లేదని అర్థమవుతోంది. ఈ సినిమా రెండు భాగాలుగా తెరకెక్కిస్తున్న సంగతి తెలిసిందే. కాగా, రెండో భాగం షూటింగ్ ఫిబ్రవరిలో మొదలుకానున్నట్లు ప్రకటించారు మేకర్స్. మరోవైపు సుకుమార్ ఈ సినిమా తర్వాత విజయ్ దేవరకొండతో తీయనున్నట్లు ప్రకటించారు. ఆ తర్వాత రామ్చరణ్తో కూడా కలిసి ఓ సినిమా తీయనున్నారట. అయితే, ఇంకా చరణ్ కథ చర్చ దశలోనే ఉందని సమాచారం. కాగా, ఆర్ఆర్ఆర్ సినిమాతో రామ్చరణ్ థియేటర్లలో సందడి చేసేందుకు సిద్ధంగా ఉన్న సంగతి తెలిసిందే. రాజమౌళి దర్శకత్వం వహించిన ఈ సినిమాలో రామ్చరణ్తో పాటు తారక్ కూడా హీరోగా నటించారు. జనవరి 7న ఈ సినిమా ప్రేక్షకుల ముందుకు రానుంది.
