Pushpa: భారీ అంచనాల మధ్య డిసెంబరు 17న విడుదలైన పుష్ప. అంతే జోరుతో కలెక్షన్ల సునామీ సృష్టిస్తోంది. సుకుమార్ దర్శకత్వంలో స్టైలిస్ట్ స్టార్ అల్లు అర్జున్ హీరోగా ఈ సినిమా తెరకెక్కింది. ఎర్రచందనం స్మగ్లింగ్ నేపథ్యంలో సాగే ఈ కథ ప్రేక్షకులను ఎంతగానే ఆకట్టుకుంది. ఒక్క తెలుగులోనే కాకుండా, అన్ని భాషల్లోనూ సినిమా మంచి హిట్ టాక్ అందుకుంది. విడుదలైన రెండో రోజే 100 కోట్ల క్లబ్లో చేరి రికార్డులు నెలకొల్పింది. మూడు రోజుల్లోనే రూ.173 కోట్లు వసూళ్లు చేసింది.
పాన్ఇండియా స్థాయిలో విడుదలైన ఈ సినిమాకు అన్ని భాషల్లో భారీ రెస్పాన్స్ వస్తోంది. ముఖ్యంగా నార్త్లో పుష్ప జోరు మాములుగా లేదు. అక్కడ బాలీవుడ్ సినిమా హీరోలకు ఎంత క్రేజీ స్పందన లభిస్తుందో.. అంతే రేంజ్లో పుష్ప మార్క్ క్రియేట్ చేసింది. ముఖ్యంగా వీక్డేస్లోనూ హౌస్ఫుల్ చేస్తుండటం గమనార్హం. రోజుకు 3 కోట్ల నెట్ వసూళ్లు తగ్గకుండా వస్తున్నాయని తెలుస్తోంది. అయితే, ఈ సినిమాను అద్భుతంగా తెరకెక్కించడం ఒక కారణమైతే.. ఐకాన్ స్టార్కి నార్త్లో ఉన్న క్రేజ్ కూడా మరొకటని చెప్పాలి.
కాగా, ఎర్రచందనం స్మగ్లింగ్ నేపథ్యంలో సాగిన ఈ సినిమాను సుకుమార్ ఎంతో తెలివిగా తెరకెక్కించినట్లు తెలుస్తోంది. ప్రతి అంశాన్ని వదలకుండా రియాలిటీకి దగ్గరగా తీసుకెళ్లేందుకు ప్రయత్నించారు. ఇందులో రష్మిక హీరోయిన్గా నటించగా.. సునీల్ ,అనసూయ తో పాటు తదితరులు కీలక పాత్రలు పోషించారు. సమంత కూడా స్పెషల్ సాంగ్లో అలరించి హాట్, క్యూట్ లుక్స్తో అలరించింది. దేవి శ్రీ ప్రసాద్ ఈ సినిమాకు స్వరాలు అందించారు.