Bheemla Nayak: ఈ ఏడాది సంక్రాంతికి బాక్సాఫీసు వద్ద గట్టిపోటీనే నెలకొంది. అన్నీ పెద్ద హీరోల సినిమాలు తలపడేందుకు సిద్ధంగా ఉన్నాయి. అయితే, ఇలా వరుసగా సినిమాలు విడుదల చేయడం వల్ల నిర్మాతలు నష్టపోతారనే ఉద్దేశంతో.. ఇటీవలే నిర్మాతలు ఓ సమావేశాన్ని కూడా ఏర్పాటు చేశారు. ముఖ్యంగా ఆర్ఆర్ఆర్, రాధేశ్యామ్, భీమ్లానాయక్ నిర్మాతలు మధ్య ఈ సమావేశం జరిగింది. ఈ క్రమంలోనే ఎవ్వరూ విడుదల విషయంలో వెనక్కి తగ్గలేదు. అయితే, ఈ సినిమాల్లో ముఖ్యంగా భీమ్లానాయక్ విడుదలను ఆపేయాలంటూ ఆ సినిమా నిర్మాతపై ఒత్తిడి పెంచినట్లు తెలుస్తోంది.
దీంతో, భీమ్లానాయక్ పోస్ట్ పోన్ కానుందని వార్తలు వచ్చాయి. అయితే, సినిమా మేకర్స్ మాత్రం ఈ వార్తను కొట్టిపడేస్తున్నారు. ఈ క్రమంలోనే తాజాగా, సినిమా నిర్మాత నాగవంశీ ట్వీట్తో పూర్తి క్లారిటీ ఇచ్చినట్లు కనిపిస్తోంది. నిర్మాత నాగవంశీ భీమ్లానాయక్ సినిమా పోస్ట్ ప్రొడక్షన్ పనులను స్టూడియోలో దగ్గరుండి పర్యవేక్షిస్తున్న ఫొటోను ట్విట్టర్ వేదికగా పంచుకున్నారు. మాట ప్రకారమే.. జనవరు 12న భీమ్లానాయక్ థియేటర్లలోకి వస్తున్నాడని ఈ మేరకు తెలిపారు. దీంతో, ఈ సినిమా వాయిదాపై వచ్చిన వార్తలన్నింటికీ చెక్ పెట్టినట్లైంది.
REMEMBER THE WORD!
Eesari kooda miss avvadu…See you in theatres – 12 Jan 2022! 🔥#BheemlaNayak pic.twitter.com/Ny6e3bzvmG
— Naga Vamsi (@vamsi84) November 21, 2021
దీన్ని బట్టి తెలుస్తోంది సినిమా మేకర్స్ విడుదల విషయంలో ఎంత పట్టుదలతో ఉన్నారో.. కాగా, ఇప్పటికే విడుదలైన పాటలు, ప్రోమోలు సినిమాపై మంచి హైప్ క్రియేట్ చేశాయి. కాగా, ఈ సినిమాకు థమన్ సంగీతం అందిస్తున్నారు. ఈ చిత్రంలో పవన్ కళ్యాణ్, రానా, నిత్యా మీనన్, సంయుక్త మీనన్ ప్రధాన పాత్రల్లో కనిపించనున్నారు.
