Priyanka Chopra Sensational Comments: తమిళ సినిమా వార వెండితెర అరంగేట్రం చేసి , ఆ తర్వాత బాలీవుడ్ లోకి అడుగుపెట్టి పెద్ద స్టార్ హీరోయిన్ గా ఎదిగి , ఇప్పుడు హాలీవుడ్ లోకి ఎంట్రీ ఇచ్చి , వరుసగా సినిమాలు చేస్తూ అక్కడే స్థిరపడిపోయిన హీరోయిన్ ప్రియాంక చోప్రా(Priyanka Chopra). అలా హాలీవుడ్ నటిగా మారిపోయిన ప్రియాంక చోప్రా, భారీ గ్యాప్ తర్వాత చేస్తున్న ఇండియన్ చిత్రం ‘వారణాసి'(Varanasi Movie). సూపర్ స్టార్ మహేష్ బాబు(Superstar Mahesh Babu), రాజమౌళి(SS Rajamouli) కాంబినేషన్ లో తెరకెక్కుతున్న ఈ సినిమాలో ప్రియాంక చోప్రా హీరోయిన్ గా నటిస్తుంది. అంతే కాదు ఈ సినిమాలో ఆమె పాత్ర ఇచ్చే ట్విస్టులను చూస్తే ఆడియన్స్ కి మైండ్ బ్లాక్ అయ్యేంత పని అవుతుందట. ఇదంతా పక్కన పెడితే రీసెంట్ గా ప్రియాంక చోప్రా ఇచ్చిన ఒక ఇంటర్వ్యూ లో , తానూ బాలీవుడ్ ని ఎందుకు వదిలేయాల్సి వచ్చిందో చెప్పుకొచ్చింది.
ఆమె మాట్లాడుతూ ‘నేను బాలీవుడ్ ని కావాలని వదిలి వెళ్ళలేదు. అక్కడ సినిమాలు చేస్తున్నప్పుడు ఎందుకో నేను ఒక పరిమితి దగ్గర ఆగిపోయాను , నా మార్కెట్ ని విస్తరింపచేసుకోవాలని అనుకున్నాను , అందుకే హాలీవుడ్ లోకి అడుగుపెట్టాను. బాలీవుడ్ లో అవకాశాలు కూడా తగ్గిపోవడంతో, నేను ఏ ఇండస్ట్రీ లో ఉండాలి అనే నిర్ణయం తీసుకోవడానికి కాస్త ఒత్తిడికి గురయ్యాను. చివరికి హాలీవుడ్ లోనే స్థిరపడాలని నిర్ణయించుకొని అక్కడికి షిఫ్ట్ అయ్యాను. కానీ నాకు ఇండియన్ సినిమాల్లో నటించడమంటే చాలా ఇష్టం. ప్రస్తుతం రాజమౌళి ‘వారణాసి’ మూవీ లో నటిస్తున్నాను’ అంటూ చెప్పుకొచ్చింది. ప్రియాంక చోప్రా హాలీవుడ్ లోకి ‘ది క్వాన్టికో’ అనే వెబ్ సిరీస్ ద్వారా ఎంట్రీ ఇచ్చింది . ఈ వెబ్ సిరీస్ పెద్ద హిట్ అవ్వడంతో ప్రియాంక చోప్రా కి హాలీవుడ్ లో మంచి ఫేమ్ వచ్చింది .
ఆ తర్వాత కొన్నాళ్ళకు ‘బే వాచ్’ అనే హాలీవుడ్ యాక్షన్ చిత్రం ద్వారా విలన్ గా ఎంట్రీ ఇచ్చి మంచి పేరు సంపాదించింది. ఆ సినిమా హిట్ అవ్వడంతో ప్రియాంక చోప్రా కి హాలీవుడ్ లో వరుసగా అవకాశాలు వచ్చాయి. అలా హీరోయిన్ గా , విలన్ గా , క్యారెక్టర్ ఆర్టిస్టుగా ఎన్నో హాలీవుడ్ సినిమాలు చేస్తూ టాప్ ఆర్టిస్టుగా మారిపోయింది. ఇప్పుడు రీసెంట్ గా ఆమె ‘ది బ్లఫ్’ అనే హాలీవుడ్ చిత్రం లో నటించింది. లేడీ ఓరియెంటెడ్ మూవీ గా తెరకెక్కిన ఈ చిత్రం ఈ నెల 25 న అమెజాన్ ప్రైమ్ వీడియో లో స్ట్రీమింగ్ కానుంది. ఈ సినిమా ప్రొమోషన్స్ లో ప్రస్తుతం ప్రియాంక చోప్రా ఫుల్ బిజీ గా ఉంది.
