Naga Chaitanya New Look: అక్కినేని నాగ చైతన్య ప్రస్తుతం దర్శకుడు వెంకట్ ప్రభు యాక్షన్ థ్రిల్లర్ చిత్రంలో చేస్తున్నాడు. ఇంకా ఈ సినిమాకు పేరు పెట్టలేదు. తాత్కాలికంగా నాగచైతన్య ‘ఎన్.సీ22’ అనే టైటిల్తో ఫస్ట్ లుక్ రిలీజ్ చేశారు. నాగ చైతన్యకు జోడీగా కృతి శెట్టి నటించింది. ద్విభాషా చిత్రంగా తెరకెక్కింది. ఇటీవలే నిర్మాణం ప్రారంభమై శరవేగంగా సాగుతోంది. ఈ చిత్రంలో అరవింద్ స్వామి విలన్గా నటించగా, ప్రియమణి కీలక పాత్రలో నటించారు.
నవంబర్ 23న నాగ చైతన్య పుట్టినరోజు. ఈరోజు విడుదలైన అత్యద్భుతమైన ప్రీ లుక్ ఆకట్టుకుంది. నాగ చైతన్య పోలీస్గా భీకరమైన లుక్తో కనిపిస్తాడు. అతని కోపాన్ని అణిచివేసేందుకు తోటి పోలీసులు తుపాకులు గురిపెడుతూ, బలవంతంగా నోరు మూయించడం కనిపించింది. నవంబర్ 23న ఉదయం 10:18 గంటలకు సినిమా ఫస్ట్ లుక్, టైటిల్ను విడుదల చేయనున్నారు.
శ్రీనివాసా సిల్వర్ స్క్రీన్పై శ్రీనివాస చిట్టూరి నిర్మించిన ఈ చిత్రానికి మాస్ట్రో ఇళయరాజా -యువన్ శంకర్ రాజా సంగీతం అందించారు. అబ్బూరి రవి డైలాగ్స్ రాయగా.. ఎస్ఆర్ కతిర్ సినిమాటోగ్రఫీ అందిస్తున్నారు. ఈ ప్రతిష్టాత్మక ప్రాజెక్ట్ని పవన్కుమార్ సమర్పిస్తున్నారు.
మునుపెన్నడూ చూడని లుక్ లో నాగచైతన్య దర్శనం ఇవ్వడంతో అందరూ చూసి షాక్ అవుతున్నారు. లుక్ లు చూస్తుంటే సినిమాపై అంచనాలు పెరిగిపోయాయి.
