Prabhas Srinu
Prabhas Srinu: ఇండస్ట్రీ లో డిఫరెంట్ కామెడీ టైమింగ్ మరియు బాడీ లాంగ్వేజ్ తో ప్రేక్షకులకు కడుపుబ్బా నవ్వించే నటులలో ఒకడు ప్రభాస్ శ్రీను. కేవలం కమెడియన్ గా మాత్రమే కాదు, ఆయన పాన్ ఇండియన్ సూపర్ స్టార్ ప్రభాస్ కి వ్యక్తిగత మ్యానేజర్ గా కూడా ఎన్నో ఏళ్ళ నుండి పని చేస్తున్నాడు.ఆయన ఇండస్ట్రీ లోకి అడుగుపెట్టిన మూడవ సినిమా నుండి నేడు ఆదిపురుష్ వరకు ప్రభాస్ శ్రీను నే ప్రభాస్ కి సంబందించి అన్నీ వ్యవహారాలను చూసుకుంటూ వస్తున్నాడు.
సుమారుగా 300 కి పైగా సినిమాల్లోకమెడియన్ కి నటించి, ఇప్పటికి ఆర్టిస్టుగా బిజీ గా ఉండే ఆయన, ప్రభాస్ లాంటి పాన్ ఇండియన్ సూపర్ స్టార్ డేట్స్ మరియు ఇతర కార్యక్రమాల వ్యవహారాలను సమాంతరం గా ఎలా బ్యాలన్స్ చేస్తున్నాడో అని అందరూ ఆశ్చర్యపోతున్నారు. ఇది ఇలా ఉండగా రీసెంట్ గా ప్రభాస్ శ్రీను పై సోషల్ మీడియా లో ఒక సంచలన రూమర్ తెగ వైరల్ అయ్యింది.
ప్రముఖ సీనియర్ నటి తులసి తో ప్రభాస్ శ్రీను గత కొంతకాలం గా ప్రేమిస్తున్నాడని, ఆమెతో డేటింగ్ చేస్తున్నాడని, ఇలా పలు రకాల వార్తలు వచ్చి. ఇండస్ట్రీ గురించి ఏమి తెలియని కొంతమంది నెటిజెన్స్ ఇది నిజమేనేమో అని అనుకున్నారు. అయితే రీసెంట్ గా జరిగిన ఒక ఇంటర్వ్యూ లో ప్రభాస్ శ్రీను చెప్పుకొచ్చాడు . ఆయన మాట్లాడుతూ ‘తులసి గారు నాకు కన్నతల్లి తో సమానం.
డార్లింగ్ సినిమా షూటింగ్ సమయం లో నేను ఆమెని చాలా బాగా చూసుకున్నాను.ఆమె లొకేషన్స్ లో నన్ను సరదాగా డార్లింగ్ అని పిలుస్తూ ఉంటుంది. దానిని కొంతమంది తప్పుగా అర్థం చేసుకొని ఇలాంటి పుకారు పుట్టించారు. ఈ వార్త సోషల్ మీడియా వచ్చినట్టు ముందుగా ఆమె నాకు చెప్పింది. మీ ఆవిడకి నా గురించి చెప్పు, లేకపోతే తప్పుగా అర్థం చేసుకుంటుంది అని మెసేజి పెట్టింది’ అంటూ చెప్పుకొచ్చాడు ప్రభాస్ శ్రీను.
