Prabhas Spirit Movie
Prabhas Spirit Movie: చేతిలో ఐదుకు పైగా సినిమాలతో ప్రభాస్ బిజీగా మారాడు. కనీసం రెండేళ్ల తరువాత గానీ ఆయన కొత్త సినిమాను స్టార్ట్ చేసే పరిస్థితి లేదు. కానీ రెబల్ స్టార్ మాత్రం తన వద్ద ఉన్నసినిమాలన్నింటినీ మొదలు పెట్టేశాడు. లేటేస్టుగా ఆది పురుష్ ను పూర్తి చేసుకొని సలార్, ప్రాజెక్ట్ కే, మారుతి డైరెక్షన్లో ఓ మూవీ చేస్తున్న విషయం తెలిసిందే. ఇదే సమయంలో సందీప్ వంగాతో కలిసి ‘స్పిరిట్’ ను కూడా స్టార్ట్ చేశాడు. ప్రభాస్ ‘స్పిరిట్’ లుక్స్ చూసి ఆడియన్స్ షాక్ అవుతున్నారు. ఇందులో ప్రభాస్ కొత్త లుక్స్ లో కనిపిస్తున్నాడు. ఈ మూవీ తెలుగుతో పాటు హిందీ, ఇంగ్లీష్ లోనూ రిలీజ్ చేయనున్నారు. ఈ నేపథ్యంలో సందీప్ వంగా పెద్ద ప్లానే వేస్తున్నట్లు చర్చ సాగుతోంది.
‘అర్జున్ రెడ్డి’ సినిమా తరువాత సందీప్ వంగా దీనిని హిందీలోనూ ఆయన డైరెక్షన్లోనే రిలీజ్ చేశాడు. అక్కడా తన ప్రతాపం చూపించాడు. ఒకే ఒక్క సినిమాతో సందీప్ వంగా పేరు పాన్ ఇండియా లెవల్లో మారుమోగింది. ఆ వెంటనే ప్రభాస్ తో ‘స్పిరిట్’తో కమిట్ అయింది. ఈ సినిమా పోస్టర్ ను చూసి ఆడియన్స్ ఇంప్రెస్ అవుతున్నారు. ఇప్పటి వరకు ప్రభాస్ ను ఇలా ఎన్నడూ చూడలేదని అంటున్నారు.
లవర్ బాయ్ లా ఉన్న విజయ్ దేవరకొండను ‘రౌడీ హీరో’గా మార్చేశాడు. ఇప్పుడు ప్రభాస్ ను అంతకు మించి తయారు చేస్తున్నట్లు తెలుస్తోంది. ‘స్పిరిట్’ ను తెలుగు, హిందీలోనే కాకుండా కొత్తగా ఆలోచించిన సందీప్ వంగా ఇంగ్లీష్ లోనూ రిలీజ్ చేస్తున్నాడు. అందుకు అనుగుణంగా హాలీవుడ్ లెవల్లో సీన్స్ ను తీస్తున్నాడట. ఇందు కోసం స్పెషల్ టీంను తీసుకున్నారట. బహుబలి తరువాత ప్రభాస్ కు బ్లాక్ బస్టర్ తగలలేదు. ఆ తరువాత భారీ బడ్జెట్ లో తీసిన సాహో, రాధేశ్యామ్ నిరాశ పరిచాయి. కానీ సందీప్ వంగా భారీ బడ్జెట్ తో పాటు షాకిచ్చే కథను రెడీ చేసుకున్నాడట. ఆయన కథకు అనుగుణంగానే ప్రభాస్ లుక్ మార్చేశాడు.
ఈ ఏడాది చివరిలోగా ప్రభాస్ సలార్, ప్రాజెక్ట్ కే రిలీజ్ కానుంది. వచ్చే ఏడాది మారుతి సినిమాతో పాటు స్పిరిట్ వస్తుందని అంటున్నారు. అంతకుముందే తీసుకొస్తారా? అనే చర్చ కూడా స్టార్ట్ అయింది. అయితే స్పిరిట్ వాతావరణం చూస్తుంటే ఫ్యాన్స్ ఆగలేకపోతున్నట్లు తెలుస్తోంది. ఇన్నాళ్లు ప్రభాస్ ఈ లుక్స్ లో ఎప్పుడు కనిపిస్తారా? అని వెయిట్ చేస్తున్నారు. వారికి అనుగుణంగా సందీప్ వంగా మంచి ట్రీట్ ఇచ్చాడని అంటున్నారు. ఈ నేపథ్యంలో ఈ మూవీపై అంచనాలు విపరీతంగా పెరుగుతున్నాయి.
