‘బాహుబలి’ సిరీసుల తర్వాత ప్రభాస్ ఇమేజ్ వరల్డ్ వైడ్ అయింది. ఈ మూవీ తర్వాత ప్రభాస్ వరుసగా ప్యాన్ ఇండియా మూవీలే చేస్తూ తన క్రేజ్ ను మరింత పెంచుకుంటున్నాడు. ప్రభాస్ ‘బాహుబలి’ తర్వాత అంతటి స్థాయిలో బాలీవుడ్ దర్శకుడు ఓం రావత్ ‘ఆదిపురుష్’ను తెరకెక్కించేందుకు సన్నహాలు చేస్తున్నాడు.
‘ఆదిపురుష్’లో ప్రభాస్ రాముడిగా నటించనుండటంతో ఈ మూవీపై అభిమానులు భారీ అంచనాలు పెట్టుకున్నారు. ఇప్పటికే ‘ఆదిపురుష్’కు సంబంధించిన ఫస్టు లుక్ సోషల్ మీడియాలో వైరల్ అయింది. తాజాగా ప్రభాస్ రాముడి పాత్రకు సంబంధించిన ఓ ఫ్యాన్ మేడ్ పోస్టర్ నెట్టింట్లో మళ్లీ వైరల్ అవుతోంది.
‘ఆదిపురుష్’లో రాముడి పాత్రకు సంబంధించిన ఫ్యాన్స్ మేడ్ పోస్టర్లు అనేకం సోషల్ మీడియాలో వైరల్ అవుతున్నాయి. దీంతో ప్రభాస్ రాముడిగా ఎలా ఉండబోతున్నారనే ఆసక్తి అభిమానుల్లో నెలకొంది. అయితే తాజాగా దర్శకుడు ఓం రావత్ సైతం ఓ అభిమాని చేసిన ఫ్యాన్ మేడ్ పోస్టర్ కు ఫిదా అయ్యాడు.
ప్రభాస్ ను రాముడిగా డిజైన్ చేసిన ఓ అభిమాని పోస్టర్ ను దర్శకుడు చూసి అట్రాక్ట్ అవడమే కాకుండా ఆ ఫొటోను సోషల్ మీడియాలో షేర్ చేశాడు. ఈ పోస్టర్ ను తయారుచేసిన అభిమానిని దర్శకుడు ఓం రావత్ అభినందించాడు. దీంతో ప్రభాస్ రాముడి పాత్ర ఈ పోస్టర్లో ఉన్నట్లుగానే ఉంటుందనే కామెంట్స్ విన్పిస్తున్నాయి. ప్రభాస్ ‘ఆదిపురుష్’ షూటింగ్ ప్రారంభానికి ముందే అభిమానుల్లో అంచనాలు పెంచుతుండటం విశేషం.
