నేషనల్ స్టార్ గా మారిపోయిన రెబల్ స్టార్ ప్రభాస్ ప్రస్తుతం రాధాకృష్ణ కుమార్ దర్శకత్వంలో చేస్తున్న ‘రాధే శ్యామ్’ సినిమా పైనే, తన దృష్టి అంతా పెట్టాడు. కాగా లాక్ డౌన్ కి ముందు జార్జియాలో షూటింగ్ జరుపుకున్న ఈ సినిమా కరోనా కారణంగా కొంత షూట్ మిగిలి ఉండగానే మధ్యలోనే ఇండియాకు తిరిగివచ్చేశారు టీం. అయితే మిగిలిన బ్యాలెన్స్ పార్ట్ షూట్ కోసం మళ్లీ జార్జియా వెళ్లాలంటే కష్టం. అందుకే రామోజీ ఫిల్మ్ సిటీలో జార్జియా నేపథ్యం కనబడేలా సెట్ వేస్తున్నారట, ఈ సెట్ విషయంలో ప్రభాస్ కూడా చాల జాగ్రత్తలు తీసుకుంటున్నాడట. ఇక జూలై సెకెండ్ వీక్ నుండి రామోజీ ఫిల్మ్ సిటీలో ఈ సినిమా బ్యాలెన్స్ పార్ట్ షూట్ ను తీయనున్నారు.
కాగా ఈ ‘రాధే శ్యామ్’ గురించి మరో ఆసక్తికరమైన విషయం తెలిసింది. పీరియాడిక్‌ రొమాంటిక్ ఎంటర్టైనర్ గా వస్తోన్న ఈ సినిమాలో ప్రభాస్ రెండు గెటప్స్ లో కనిపిస్తారని, అత్యంత ధనికుడిగా ఆ రోజుల్లోని ఓల్డ్ గెటప్ లో ఒకలా.. అదేవిదంగా ప్రస్తుత కాలానికి సంబంధించి మరో గెటప్ లో ప్రభాస్ కనిపిస్తాడట. ఇక రివేంజ్ స్టోరీతో సాగే ఓ థ్రిల్లింగ్ ప్రేమకథే ఈ సినిమా అని ఫిల్మ్ సర్కిల్స్ లో టాక్ వినిపిస్తుంది. పైగా 1960 కాలంలో ఈ సినిమా కథ సాగుతుందట,
‘జిల్’ చిత్రాన్ని తెరకెక్కించిన ద‌ర్శ‌కుడు రాధాకృష్ణ తెరకెక్కిస్తోన్న ఈ సినిమాని గోపికృష్ణ మూవీస్ , యువీ క్రియేషన్స్ సంయుక్తంగా నిర్మిస్తున్నాయి. ఈ సినిమాని తెలుగుతో పాటు హిందీలో కూడా రూపొందించి ఇతర భాషల్లోకి అనువదిస్తారట. ఈ సినిమాలో టాల్ బ్యూటీ పూజా హెగ్డే కథానాయకిగా నటిస్తోంది. 2021లో ఈ సినిమా ప్రేక్షకుల ముందుకు రానుంది.
