Prabhas look leaked
Kannappa movie : మంచు విష్ణు ఎంతో ప్రతిష్టాత్మకంగా తీసుకొని భారీ బడ్జెట్ తో తెరకెక్కిస్తున్న చిత్రం ‘కన్నప్ప’. ఇందులో ఆయన టైటిల్ పాత్ర పోషిస్తున్నాడు. తన డ్రీం ప్రాజెక్ట్ గా తెరకెక్కుతున్న ఈ సినిమా షూటింగ్ శరవేగంగా సాగుతుంది. మూడు నెలల క్రితం విడుదల చేసిన టీజర్ కి కూడా మంచి రెస్పాన్స్ వచ్చింది. డిసెంబర్ లో సినిమాని విడుదల చేయాలని ముందుగా అందరూ అనుకున్నారు కానీ, షూటింగ్ చాలా వరకు బ్యాలన్స్ ఉండడంతో వచ్చే ఏడాదికి షిఫ్ట్ చేసారు. సమ్మర్ సీజన్ లో ఈ చిత్రం విడుదలయ్యే అవకాశం ఉంది. ఇదంతా పక్కన పెడితే ఈ సినిమాలో వివిధ భాషలకు సంబంధించిన సూపర్ స్టార్స్ ముఖ్య పాత్రల్లో కనిపించబోతున్న సంగతి అందరికీ తెలిసిందే. మన టాలీవుడ్ నుండి రెబల్ స్టార్ ప్రభాస్ ఈ చిత్రంలో ఒక కీలక పాత్ర పోషించాడు. కొంతమంది ఆయన శివుడి పాత్ర పోషిస్తున్నాడని చెప్పగా, మరికొంతమంది మాత్రం నంది క్యారక్టర్ చేస్తున్నట్టుగా చెప్తున్నారు. ఏ పాత్ర అనేది ఇంకా పూర్తిగా తెలియదు కానీ, ఈ సినిమాలోని ప్రభాస్ లుక్ ఇప్పుడు సోషల్ మీడియా లో లీకై తెగ వైరల్ గా మారింది.
నుదుటున శివుడి లాగా మూడు నామాలు పెట్టుకొని ఒక సాధువులాగా ఇందులో ప్రభాస్ కనిపించాడు. జుట్టు కూడా బాహుబలి చిత్రంలో ఎలా పొడవుగా ఉండేదో, అలా ఈ లీక్ ఫోటో లో ఉంది. అభిమానులు ఈ లుక్ ని చూసి చాలా సంతోషించారు. ప్రభాస్ ని మళ్ళీ బాహుబలి గెటప్ లో చూసినట్టుగా అనిపించింది అంటూ కామెంట్స్ చేసారు. ప్రభాస్ ప్రస్తుతం పాన్ ఇండియా లోనే బిగ్గెస్ట్ సూపర్ స్టార్స్ లో ఒకరు. ఆయనకీ పోటీ ఇచ్చే మరో పాన్ ఇండియన్ స్టార్ లేడు. అలాంటి స్థాయి ఉండడం వల్లే, కేవలం ప్రభాస్ కారణంగా ఈ చిత్రం డిజిటల్ రైట్స్ 50 కోట్ల రూపాయలకు అమ్ముడుపోయినట్టు చెప్తున్నారు ట్రేడ్ పండితులు. ఈ సినిమాలో ఆయన ఎదో పది నిమిషాలు కనిపిస్తాడు అనుకుంటే పొరపాటే. ‘గోపాల గోపాల’ చిత్రంలో పవన్ కళ్యాణ్ ఎంతసేపు కనిపిస్తాడో, ప్రభాస్ కూడా అంతసేపు ఈ చిత్రంలో కనిపించబోతున్నాడట. ఈ క్యారక్టర్ కి సంబంధించి మరికొన్ని వివరాలు త్వరలోనే తెలియనుంది.
ఈ సినిమాలో ప్రభాస్ తో పాటు మలయాళ నటుడు మోహన్ లాల్, బాలీవుడ్ నటుడు అక్షయ్ కుమార్, శాండిల్ వుడ్ నటుడు శివరాజ్ కుమార్ వంటి లెజెండ్స్ కూడా నటిస్తున్నారు. అలాగే మంచు విష్ణు తండ్రి మంచు మోహన్ బాబు కూడా ఈ సినిమాలో ఒక కీలక పాత్ర పోషించినట్టు తెలుస్తుంది. అయితే ఈ సినిమాకి సంబంధించిన అధిక శాతం షూటింగ్ విదేశాల్లో జరిగింది. మన పురాణాలకు సంబంధించిన కథని విదేశాల్లో తీయడం ఏమిటి?, నిజంగా కన్నప్ప జీవిత చరిత్రనే తెరకెక్కిస్తున్నారా?, లేదా ఏదైనా ఫిక్షనల్ స్టోరీనా అనే అనుమానాలు కూడా ప్రేక్షకుల్లో ఉన్నాయి.
