Raja Saab
Raja Saab: పాన్ ఇండియా స్టార్ ప్రభాస్ టాలీవుడ్ డైరెక్టర్ మారుతి దర్శకత్వంలో నటిస్తున్న చిత్రం ‘ రాజా సాబ్ ‘. హారర్ కామెడీ జోనర్ లో ఇది తెరకెక్కుతుంది. ఇటీవల విడుదలైన ఫస్ట్ లుక్ ఫ్యాన్స్ ని ఆకట్టుకుంది. మలయాళ బ్యూటీ మాళవిక మోహన్ హీరోయిన్ గా నటిస్తుంది. మొదటి నుంచి సైలెంట్ గా షూటింగ్ జరుపుతున్న మారుతి పోయిన సంక్రాంతికి అఫీషియల్ గా అనౌన్స్ చేశారు. మూవీ టైటిల్ తో పాటు ప్రభాస్ వింటేజ్ లుక్ ని విడుదల చేశారు.
గతంలో ప్రభాస్ వంటి పాన్ ఇండియా హీరో… మారుతి కి ఛాన్స్ ఇవ్వడం ఏంటి? డార్లింగ్ ఇలాంటి నిర్ణయం తీసుకోవడం ఏంటని ఫ్యాన్స్ ఆందోళన చెందారు. అసహనం వ్యక్తం చేస్తూ మారుతి పై విమర్శలు కూడా చేశారు. కానీ రాజా సాబ్ నుంచి ప్రభాస్ లుక్ రిలీజ్ చేయడంతో వాళ్ళ అభిప్రాయం మారింది . సినిమాపై పాజిటివ్ బజ్ ఏర్పడింది. ఈ మూవీ పై అంచనాలు ఏర్పడ్డాయి. ఈ చిత్రాన్ని భారీగా తెరకెక్కిస్తున్నట్లు మారుతి చెప్పుకొచ్చారు.
ప్రభాస్ ఇమేజ్ కి తగట్టు సినిమా ఉంటుంది అని వెల్లడించారు. తాజాగా ప్రభాస్ అసిస్టెంట్ కమ్ ఫ్రెండ్ శ్రీను ‘ రాజా సాబ్ ‘ గురించి ఇంట్రెస్టింగ్ కామెంట్స్ చేశారు. ‘ రాజా సాబ్ పాన్ ఇండియా కంటే పెద్ద ప్రాజెక్టు అని అన్నారు. ఈ సినిమా చాలా డిఫరెంట్ గా ఉంటుంది. రెగ్యులర్ సినిమాల వలె ఉండదు. ఎప్పుడు చూడని యాంగిల్స్ మీరు ఈ సినిమాలో చూస్తారంటూ వాళ్ళు చెప్పుకొచ్చారు.
ఈ ఏడాది డిసెంబర్ లో రాజా సాబ్ చిత్రాన్ని ప్రేక్షకుల ముందుకు తీసుకురావడానికి మేకర్స్ ప్లాన్ చేస్తున్నారని తెలుస్తోంది. ఇప్పటికే 50 శాతం షూటింగ్ పూర్తయింది. ప్రభాస్ కల్కి షూటింగ్ లో బిజీగా ఉండటంతో బ్రేక్ పడింది. దీంతో ప్రభాస్ లేని షాట్స్ ఇతర ఆర్టిస్టులతో మారుతి చేస్తున్నారట. కల్కి షూటింగ్ అయిన వెంటనే రాజా సాబ్ బ్యాలెన్స్ షూట్ కంప్లీట్ చేయనున్నారు ప్రభాస్. థమన్ మ్యూజిక్ అందిస్తున్నాడు. మాళవిక మోహన్, నిధి అగర్వాల్, రిద్ది కుమార్ లు హీరోయిన్స్ గా నటిస్తున్నారు.