poonam: బాలీవుడ్ నటి పూన్ పాండె, ఆమె భర్త సామ్ బాంబెలు ఎప్పుడూ ఎదో ఒక వివాదంతో వార్తల్లోకి ఎక్కుతూ ఉంటారు. తాజాగా, సామ్ బాంబే తనపై దాడి చేయడంతో ఆసుపత్రి పాలైంది పూనమ్. దీంతో అతనిపై పూన్ పాండే బాంద్రా పోలీసు స్టేషన్లో ఫిర్యాదు చేసింది. ఈ మేరకు పోలీసులు బాంబేను అరెస్టు చేశారు. పూనమ్ దాఖలు చేసిన ఫిర్యాదు మేరకు.. సామ్ తన మొదటి భార్య అల్విరాతో మాట్లాడినట్లు తెలుస్తోంది. ఈ క్రమంలోనే గొడప మొదలైంది. దీంతో సామ్కు కోపం వచ్చి.. పూనమ్ జుట్టు పట్టుకుని.. తలను గోడకు బలంగా కొట్టాడు. అంతే కాకుండా.. పూనమ్ ముఖంపై బలంగా కొట్టాడు. ఈ దాడిలో పూనమ్కు ఓ కన్ను దెబ్బతినడంతో పాటు, ముఖంపై తీవ్ర గాయాలైనట్లు తెలుస్తోంది. వెంటనే, పూనమ్ పోలీసులను ఆశ్రయించగా.. బాంద్రా పోలీసులు అతనిపై చర్యలు తీసుకున్నారు. సామ్ను అరెస్టు చేసి ఈ కేసుపై మరింత లోతుగా విచారిస్తున్నారు.
కాగా, ముంబయి పోలీసులు ఇచ్చిన సమాచారం ప్రకారం.. పునమ్ పాండే ప్రస్తుతం ఆసుపత్రిలో చేరి చికిత్స తీసుకుంటున్నట్లు తెలిపారు. అయితే, ఆమెకు తగిలిన గాయాలకు సంబంధించి పోలీసులు ఎటువంటి సమాచారం ఇవ్వలేదు. పూనమ్, సామ్ల గొడవ ఇప్పుడు కొత్తేం కాదు. వివాహం అయిన కొద్ది రోజుల్లోనే వీరిద్దరికి గొడవలు మొదలయ్యాయి. అప్పటి నుంచే పోలీసు స్టేషన్ మెట్లు ఎక్కడం సర్వసాధారణం అయ్యింది. గతంలోనే ఇలాగే తన భర్త హిసించాడని పోలీసులను ఆశ్రయించింది పూనమ్.
