Peddi Overseas Premier Talk: గ్లోబల్ స్టార్ రామ్ చరణ్ హీరో గా నటించిన ‘పెద్ది’ చిత్రం మరి కాసేపట్లో రెండు తెలుగు రాష్ట్రాల్లో ప్రీమియర్ షోస్ ద్వారా విడుదల కాబోతుంది. ఈ సినిమా కోసం రామ్ చరణ్ ఎంత కష్టపడ్డాడో ఇది వరకే విడుదలైన ప్రమోషనల్ కంటెంట్ లో మనమంతా చూశాము. ఈ చిత్రం కోసం ఆయన తన ప్రాణాలను సైతం పణంగా పెట్టి పని చేసాడు , ఎన్నో దెబ్బలు కూడా తగిలించుకున్నాడు. ప్రమోషనల్ కంటెంట్ కూడా ఆడియన్స్ కి తెగ నచ్చడం తో ఈ చిత్రం పై హైప్ ఎవ్వరూ ఊహించని రేంజ్ కి చేరుకుంది. ఆ హైప్ కి తగ్గట్టుగానే ప్రపంచవ్యాప్తంగా అడ్వాన్స్ బుకింగ్స్ కూడా భారీ రేంజ్ లో జరిగాయి. ట్రేడ్ అందిస్తున్న లెక్కల ప్రకారం చూస్తే ఈ చిత్రానికి మొదటి రోజు + ప్రీమియర్ షోస్ కి కలిపి ప్రపంచవ్యాప్తంగా 60 కోట్ల రూపాయిల గ్రాస్ వసూళ్లు వచ్చాయి.
ఇదంతా పక్కన పెడితే ఈ చిత్రానికి సంబంధించిన ప్రివ్యూ షో ని కాసేపటి క్రితమే లండన్ లో ప్రదర్శించారు. అక్కడి నుండి వచ్చిన పబ్లిక్ టాక్ ఇప్పుడు సోషల్ మీడియా లో హాట్ టాపిక్ గా మారింది. ఈ సినిమాలో రామ్ చరణ్ నటన ఎవ్వరూ ఊహించని రేంజ్ లో, చాలా అద్భుతంగా ఉండబోతుందని , రంగస్థలం చిత్రం ఒక మూలకు కూడా సరిపోదని , కచ్చితంగా ఆయన ఈ సినిమాతో నేషనల్ అవార్డు ని కైవసం చేసుకుంటాడని ఈ చిత్రాన్ని చూసిన ప్రతీ ఒక్కరు కామెంట్స్ చేస్తున్నారు. ఫస్ట్ హాఫ్ మొత్తం చాలా బాగుందని , సరదాగా సాగిపోతుందని , ఇంటర్వెల్ నుండి వేరే లెవెల్ కి వెళ్తుందని అంటున్నారు. సెకండ్ హాఫ్ ఆరంభం లో ఒక అరగంట వరకు సినిమా స్క్రీన్ ప్లే చాలా నెమ్మదిగా ఉంటుందని, ఆ తర్వాత చివరి 45 నిమిషాలు మాత్రం వేరే లెవెల్ లో ఉందని అంటున్నారు.
ఈ సినిమాలో రామ్ చరణ్ కి కాళ్ళు కూడా పోతాయట. అయినప్పటికీ ఒలింపిక్స్ లో గేమ్స్ ఆడి గెలిచి , తన ఊరికి ఎనలేని ప్రతిష్టని తీసుకొచ్చే ప్రయాణం చాలా అద్భుతంగా ఉంటుందని అంటున్నారు. ఇక ఈ సినిమాలో రామ్ చరణ్ క్యారెక్టర్ తర్వాత , ప్రేక్షకులు జీవితాంతం గుర్తుపెట్టుకుని మరో క్యారెక్టర్ జగపతి బాబు పోషించిన అప్పలసూరి క్యారెక్టర్. ఈ పాత్ర చాలా ఎమోషనల్ గా ఉంటుందని , హీరో తన ఊరి కోసం పోరాటం చేయడానికి ఈ పాత్ర ఎంతో ఆదర్శంగా నిలుస్తుందని , ఈమధ్య కాలం లో జగపతి బాబు కి ఇంతటి సాలిడ్ క్యారెక్టర్ పడలేదని అంటున్నారు. మరి ఇందులో ఎంత మాత్రం నిజముందో తెలియాలంటే మరికొద్ది గంటలు ఆగాల్సిందే.
