Peddi Movie Box Office Collections: సంక్రాంతి తర్వాత టాలీవుడ్ లో విడుదలైన ఏ సినిమాకు కూడా ఆశించిన స్థాయిలో ఫలితాలు రాలేదు. ట్రేడ్ మొత్తం నిరాశలో ఉంది , హైదరాబాద్ వంటి టాప్ సిటీలలో కూడా థియేటర్స్ ని మూసి వేసుకోవాల్సిన పరిస్థితి ఏర్పడింది. ఇలాంటి సమయం లో ఒక్క సరైన హిట్ పడకపోతే సినీ ఇండస్ట్రీ సంక్షోభం లోకి వెళ్తుందని అందరూ భయపడ్డారు. అలాంటి సమయం లో ఎన్నో అంచనాలు , ఆశల మధ్య విడుదలైన ‘పెద్ది’ చిత్రానికి ఆడియన్స్ నుండి బ్లాక్ బస్టర్ రెస్పాన్స్ వచ్చింది. ప్రీమియర్ షోస్ నుండే ఈ చిత్రానికి వచ్చిన పాజిటివ్ టాక్ ని చూసి ట్రేడ్ పండితులు ఈ చిత్రం రామ్ చరణ్ కెరీర్ లో మరో మగధీర, రంగస్థలం రేంజ్ బ్లాక్ బస్టర్ గా నిలుస్తుందని అనుకున్నారు. వాళ్ళ అంచనాలకు తగ్గట్టుగానే ఈ చిత్రం ఆ రేంజ్ బ్లాక్ బస్టర్ దిశగా అడుగులు వేస్తోంది.
నేడు ఈ చిత్రానికి బాక్స్ ఆఫీస్ వద్ద అసలైన పరీక్ష. ఎందుకంటే వర్కింగ్ డే కాబట్టి. ఈ వర్కింగ్ డే టెస్ట్ లో ఈ చిత్రం పాస్ అవుతుందా లేదా ? అనే అనుమానం అభిమానుల్లో ఉండేది. అయితే ఈ టెస్ట్ ని డిస్టింక్షన్ లో పాస్ అయ్యింది ఈ చిత్రం అనడం లో ఎలాంటి సందేహం లేదు. నూన్ షోస్ నుండే ఈ చిత్రానికి డీసెంట్ స్థాయి వసూళ్లు నమోదు అయ్యాయి. నైజాం ప్రాంతం లో మ్యాట్నీ షోస్ నుండి అద్భుతమైన ఆక్యుపెన్సీలు నమోదు అవ్వడం మొదలయ్యాయి. ఆ కారణం చేత ఈ చిత్రానికి బుక్ మై షో యాప్ లో గంటకు 15 వేల టిక్కెట్లు అమ్ముడుపోవడం జరిగింది. ఈమధ్య కాలం లో మన టాలీవుడ్ స్టార్ హీరో సినిమాకు ఈ రేంజ్ అడ్వాన్స్ బుకింగ్స్ వర్కింగ్ డే లో జరగడం ఎప్పుడూ చూడలేదు.
దీనిని బట్టీ చూస్తుంటే ఈ చిత్రానికి ఏ రేంజ్ లాంగ్ రన్ ఉండబోతుందో అర్థం అవుతుంది. ‘రంగస్థలం’ రేంజ్ లాంగ్ రన్ ఎప్పుడు వస్తుందో మళ్లీ రామ్ చరణ్ కి అని అంతా అనుకునేవారు , ‘పెద్ది’ చిత్రం ఆ స్థాయి బ్లాక్ బస్టర్ అని బలంగా నమ్మారు , వాళ్ళ నమ్మకాలను నిజం చేసింది ఈ చిత్రం. మొదటి వీకెండ్ లో ప్రపంచవ్యాప్తంగా 240 కోట్ల రూపాయిల గ్రాస్ వసూళ్లను రాబట్టి సంచలనం సృష్టించిన ఈ చిత్రం , ఈ వీకెండ్ తో 300 కోట్ల గ్రాస్ క్లబ్ లోకి గ్రాండ్ గా ఎంట్రీ ఇవ్వబోతుంది. #RRR తో వెయ్యి కోట్ల గ్రాస్ ని అందుకున్న రామ్ చరణ్ , ఇప్పుడు ‘పెద్ది’ తో 300 కోట్ల క్లబ్ లోకి ఎంట్రీ ఇవ్వడం పై చరణ్ ఫ్యాన్స్ ఫుల్ జోష్ లో ఉన్నారు. మరి లాంగ్ రన్ లో ఈ చిత్రం 400 కోట్ల గ్రాస్ ని రాబడుతుందా లేదా అనేది చూడాలి. నేడు ఈ చిత్రానికి నమోదు అవుతున్న హౌస్ ఫుల్స్ ని చూస్తుంటే, కచ్చితంగా నేడు 15 కోట్ల గ్రాస్ ని కొల్లగొడుతుందని అంటున్నారు ట్రేడ్ విశ్లేషకులు.
