Peddi 25 Days Collections: గ్లోబల్ స్టార్ రామ్ చరణ్ నటించిన ‘పెద్ది’ చిత్రం విడుదలై 25 రోజులు పూర్తి అయ్యింది. చాలా మంది ఈ చిత్రానికి మొదట్లో వచ్చిన డివైడ్ టాక్ ని చూసి , వీకెండ్ తర్వాత బాగా డౌన్ అయిపోతుందని అనుకున్నారు. కానీ తెలుగు రాష్ట్రాల్లో 25 రోజున కూడా ఈ చిత్రానికి అనేక ప్రాంతాల్లో హౌస్ ఫుల్స్ బోర్డ్స్ పడ్డాయి. ఒక స్టార్ హీరో సినిమాకు ఈ రేంజ్ లాంగ్ రన్ ఉండడం సాధారణమైన విషయం కాదు. ట్రేడ్ విశ్లేషకులు అందిస్తున్న లెక్క ప్రకారం ఈ సినిమాకు 25 వ రోజున 45 లక్షల రూపాయిల షేర్ వసూళ్లు వచ్చాయి. ఓవరాల్ గా తెలుగు రాష్ట్రాల్లో ఈ చిత్రం ప్రతిష్టాత్మక 150 కోట్ల షేర్ మార్కుని అందుకోగా, ఓవరాల్ వరల్డ్ వైడ్ గా 348 కోట్ల రూపాయిల గ్రాస్ మార్కుని అందుకుంది. ప్రాంతాల వారీగా ఈ సినిమాకు ఎంత వసూళ్లు వచ్చాయి అనేది వివరంగా చూద్దాం.
ట్రేడ్ పండితులు అందిస్తున్న సమాచారం ప్రకారం చూస్తే ఈ చిత్రానికి నైజాం ప్రాంతం నుండి 25 రోజుల్లో 54 కోట్ల 76 లక్షల రూపాయిల షేర్ వసూళ్లు వచ్చినట్టు తెలుస్తోంది. నైజాం బయ్యర్స్ బ్రేక్ మార్కుని దాటి లాభాల్లోకి అడుగుపెట్టారు కానీ , భారీ లాభాలను మాత్రం చూడలేకపోయారు. ఇక సీడెడ్ ప్రాంతం లో అయితే 25 రోజులకు కలిపి 21 కోట్ల 16 లక్షల రూపాయిల షేర్ వసూళ్లు రాగా, ఉత్తరాంధ్ర నుండి 23 కోట్ల 6 లక్షలు , ఈస్ట్ గోదావరి నుండి 13 కోట్లు , వెస్ట్ గోదావరి నుండి 9 కోట్ల 17 లక్షలు , గుంటూరు నుండి 12 కోట్ల 68 లక్షలు , కృష్ణా జిల్లా నుండి 10 కోట్ల 30 లక్షలు , నెల్లూరు నుండి 5 కోట్ల 91 లక్షలు వచ్చాయి.
ఓవరాల్ గా తెలుగు రాష్ట్రాల్లో రాయలసీమ , నెల్లూరు లో తప్ప, అన్ని ప్రాంతాల్లోనూ బ్రేక్ ఈవెన్ అయ్యి భారీ లాభాలను తెచ్చిపెట్టింది ఈ చిత్రం. మరోవైపు రెస్ట్ ఆఫ్ ఇండియా , ఓవర్సీస్ ప్రాంతాల్లో భారీ డిజాస్టర్ ఫ్లాప్ గా నిల్చింది. కర్ణాటక నుండి 15 కోట్ల 30 లక్షలు , ఓవర్సీస్ నుండి 23 కోట్ల 75 లక్షలు , హిందీ + రెస్ట్ ఆఫ్ ఇండియా నుండి 12 కోట్ల 15 లక్షలు , తమిళనాడు + కేరళ నుండి 2 కోట్ల 40 లక్షల రూపాయిల షేర్ వసూళ్లు వచ్చాయి. ఓవరాల్ గా ప్రపంచవ్యాప్తంగా 203 కోట్ల రూపాయలకు పైగా షేర్ వసూళ్లు , 348 కోట్ల రూపాయిల గ్రాస్ వసూళ్లు వచ్చాయి .
