Hari Hara Veera Mallu: సినిమా ఇండస్ట్రీలో ఎంతమంది హీరోలు ఉన్నా కూడా ఇక్కడ కొంతమందికి మాత్రమే చాలా ఎక్కువ క్రేజ్ అనేది దక్కుతుంది. వాళ్ళు చేసిన సినిమాల వల్ల గాని, వాళ్ళ వ్యక్తిత్వం వల్ల గాని,వాళ్లు సమాజానికి చేసే సేవ వల్ల గాని ఏ కారణం చేత అయినా ఇక్కడ ఒక హీరో చాలామంది అభిమానుల చేత కీర్తించబడటం అనేది నిజంగా గొప్ప విషయం అనే చెప్పాలి. ఇక నిజానికి హీరో లైఫ్ అనేది చాలా లగ్జరీ లైఫ్..అందుకే చాలా మంది సామాన్య జనాలు సైతం అలాంటి లైఫ్ పొందటం కోసం ఎదురుచూస్తూ ఉంటారు. కానీ పవన్ కళ్యాణ్ లాంటి ఒక స్టార్ హీరో ఇండస్ట్రీ లో పీక్ స్టేజ్ లో ఉన్న కూడా అవన్నీ వదిలేసి జనసేన అనే పార్టీని పెట్టి జనానికి సేవ చేయాలనే ఉద్దేశ్యంతో చాలా తీవ్రంగా కష్టపడుతున్నాడు.
ఇక మరో 15 రోజుల్లో ఎలక్షన్స్ ఉన్న నేపథ్యంలో ఇప్పటికే పవన్ కళ్యాణ్ తనదైన రీతిలో క్యాంపెనింగ్ నిర్వహిస్తున్నాడు. ఇక ఇదిలా ఉంటే పవన్ కళ్యాణ్ హీరోగా క్రిష్ డైరెక్షన్ లో వస్తున్న హరిహర వీరమల్లు సినిమా గత నాలుగు సంవత్సరాల క్రితమే స్టార్ట్ అయింది. అయినప్పటికీ ఈ సినిమా నుంచి ఒక గ్లింప్స్ అయితే వచ్చింది. కానీ ఇప్పటివరకు టీజర్ గానీ, ట్రైలర్ గాని ఏమీ వదల్లేదు. ఇక శ్రీ రామనవమి పండగ సందర్భంగా హరిహర వీరమల్లు సినిమా తొందర్లోనే రాబోతుంది అనే ఒక హింట్ ఇస్తూ ఒక పోస్టర్ ను రిలీజ్ చేశారు. అయినప్పటికీ అది కూడా ప్రేక్షకులకు పెద్దగా కిక్ అయితే ఇవ్వలేదు. కానీ ఆగిపోయింది అనుకున్న సినిమా తాలూకు పోస్టర్ ను చూసి పవన్ కళ్యాణ్ అభిమానులు సంతోషాన్ని వ్యక్తం చేశారు.
ఇక ఇప్పుడు అందుతున్న సమాచారం ప్రకారం సినిమా యూనిట్ తన ట్విట్టర్ ఖాతా ద్వారా హరిహర వీరమల్లుకు సంబంధించిన టీజర్ ను మే 2 వ తేదీ ఉదయం 9 గంటలకి రిలీజ్ చేయబోతున్నట్లు అఫీషియల్ అనౌన్స్ మెంట్ ని ఇచ్చారు. ఇక ఈ ఒక్క అప్డేట్ తో పవన్ కళ్యాణ్ అభిమానులు పెద్ద ఎత్తున సంబరాలు చేసుకుంటున్నారు. అయితే ఇన్ని రోజులు లేనిది ఇప్పుడే పవన్ కళ్యాణ్ సినిమాకి సంబంధించిన టీజర్ ని వదలడం ఏంటి అని కొంతమంది వాళ్ళ అభిప్రాయాన్ని కూడా తెలియజేస్తున్నారు.
నిజానికి “ధర్మం కోసం యుద్ధం” అంటూ రాబోయే ఈ టీజర్ వెనుక అసలు కారణం ఏంటి అంటే ఇప్పుడు ఎలక్షన్స్ వస్తున్నాయి. కాబట్టి ‘పవన్ కళ్యాణ్ ధర్మం పక్షాన నిలబడ్డాడు అందువల్లే దాని కోసమే యుద్ధం చేస్తున్నాడు’. ఇక ఎన్నికల యుద్ధంలో తనని గెలిపిస్తే ధర్మం నాలుగు పాదాల పైన నడుస్తుందనే ఉద్దేశ్యంతో జనాలు భావిస్తారనే కాన్సెప్ట్ తోనే ఈ టీజర్ ని రిలీజ్ చేస్తున్నట్టుగా తెలుస్తుంది. మరి టీజర్ రిలీజ్ అయితే గాని ఇది పవన్ కళ్యాణ్ పొలిటికల్ కెరియర్ కి ఉపయోగపడుతుందా లేదా అనేది తెలుస్తుంది…
