Pawan Kalyan Movies List: పవర్ స్టార్ పవన్ కళ్యాణ్ హీరోగా చేసిన చాలా సినిమాలు అతన్ని టాప్ లెవెల్ నిల్చబెట్టాయనే చెప్పాలి. కెరియర్ స్టార్టింగ్ లో వరుసగా ఏడు సినిమాలు సూపర్ సక్సెస్ అవ్వడంతో ఆయనకు తిరుగుండదని అందరు అనుకున్నారు. పవర్ స్టార్ ఇమేజ్ ని సంపాదించుకొని తెలుగులో నెంబర్ వన్ హీరోగా మారుతున్నాడు అని అనుకున్నప్పటికి ఖుషి సినిమా తర్వాత అతనికి దాదాపు 10 సంవత్సరాలపాటు ఒక్క సక్సెస్ కూడా రాలేదు. ఎట్టకేలకు గబ్బర్ సింగ్ సినిమాతో పూర్వ వైభవం అందుకున్న ఆయన ఆ తర్వాత చేసిన అత్తారింటికి దారేది సినిమా సైతం సూపర్ సక్సెస్ ను సాధించింది. ఇక పవన్ కళ్యాణ్ మరోసారి పెను సంచలనాన్ని క్రియేట్ చేస్తూ ముందుకు సాగాలనే ప్రయత్నం చేస్తున్నాడు. ఇక ఇదిలా ఉంటే పవన్ కళ్యాణ్ లాంటి హీరో ఈ మధ్యకాలంలో చేస్తున్న సినిమాల విషయంలో చాలా కేర్ ఫుల్ గా వ్యవహరిస్తున్నాడు. ఇక ఈ సంవత్సరం ఇప్పటికే ‘ఉస్తాద్ భగత్ సింగ్’ సినిమాతో భారీగా దెబ్బతిన్న ఆయన ఇప్పుడు చేయబోతున్న సినిమాల విషయంలో స్పెషల్ కేర్ తీసుకున్నాడు.
ఇక ఏది ఏమైనా కూడా యావత్ ఇండియన్ సినిమా ఇండస్ట్రీని మెప్పించగలిగే కెపాసిటి తన సొంతం అంటూ ఆయన పలు విధాలుగా చెప్పే ప్రయత్నం చేస్తున్నాడు…ఇక తన ఎంటైర్ కెరీర్ లో ఆయన చేసిన సినిమాల్లో అతనికి నచ్చని ఒక సినిమా అయితే ఉందట. ఇంతకీ ఆ సినిమా ఏంటంటే ఎస్ జే సూర్య దర్శకత్వంలో తెరకెక్కిన ‘పులి’ సినిమా కావడం విశేషం…
ఆ సినిమా మీద మొదట్లో భారీ అంచనాలు ఉన్నప్పటికి మొదట అనుకున్న కథకి తీసిన దానికి సంబంధం లేకుండా పోయింది. అందువల్లే ఈ సినిమా తనకు నచ్చదని పలు సందర్భాల్లో పవన్ కళ్యాణ్ చెప్పాడు. ఇక ఏది ఏమైనా కూడా పవర్ స్టార్ పవన్ కళ్యాణ్ నుంచి వచ్చే సినిమాలు తన అభిమానులను అలాగే ప్రేక్షకులను విపరీతంగా అలరిస్తుంటాయి.
ఇక పవన్ కళ్యాణ్ కి తన సినిమాల్లో పులి సినిమా నచ్చదని చెప్పడం అతని అభిమానులను కూడా తీవ్రమైన నిరాశకి గురి చేస్తుంది. కారణం ఏంటంటే ఆ సినిమా కోసం మూడు సంవత్సరాల సమయాన్ని కేటాయించాడు. అయినప్పటికి దర్శకుడు ఆ సినిమాని అనుకున్న రేంజ్ లో తీర్చిదిద్దలేదని పవన్ కళ్యాణ్ కామెంట్స్ చేశాడు…
