Sirivennela: ప్రముఖ సినీ గేయ రచయిత సిరివెన్నెల మృతితో సినీ ఇండస్ట్రీ శోసంద్రంలో మునిగిపోయింది. ఆయన లేని లోటును తీర్చేదెవరంటూ సినీ ప్రముఖులు ఆవేదన వ్యక్తం చేస్తున్నారు. ఈ క్రమంలోనే ఆయన మృతదానికి నివాళులు అర్పించేందుకు సినీ స్టార్స్తో పాటు అభిమానులు ఫిల్మ్ ఛాంబర్ వద్దకు తరలి వస్తున్నారు. కాగా, ఆయన ఆత్మకు శాంతి చేకూరాలని పార్థిస్తున్నారు. కాసేపటి క్రితం మెగాస్టార్ చిరంజీవి, నందమూరి బాలకృష్ణ, మహేష్ బాబు, రానా , నాగార్జున, వెంకటేశ్ తదితరులు సిరివెన్నెలకు నివాళులు అర్పించారు. తాజాగా పవన్ కళ్యాణ్ సిరివెన్నెల సీతారామ శాస్త్రిని కడసారి చూసేందుకు వచ్చారు. మరికొద్దిసేపట్లో ఆయన పార్థివదేహానికి అంత్యక్రియలు జరగనున్నాయి. సిరివెన్నెల నిర్జీవంగా ఉండటాన్ని చూసి మౌనంగా ఉండిపోయారు పవన్ కళ్యాణ్.
Sirivennela
Also Read: మహాప్రస్థానంలో సిరివెన్నెల అంత్యక్రియలు
ఈ క్రమంలోనే త్రివిక్రమ్ను ఓదార్చారు. కాసేపు అలాగే సిరివెన్నెల సీతారామ శాస్త్రి గారి భౌతికగాయాన్ని చూస్తూ ఉండిపోయారు. పవన్ కల్యాణ్పై సిరివెన్నెలకు ఉన్న అభిమానం గురించి ప్రత్యేకంగా చెప్పనక్కర్లేదు. పవన్ నటించిన చాలా సినిమాలకు ఆయన అనేక పాటలు రాశారు. దీంతో పాటు కార్యక్రమంలో పవన్ గురించి మాట్లాడుతూ.. ఆయనొక శిఖరమని.. ఆయన ఆలోచనలు, ఆచనరణలు ఎంతోమందికి స్ఫూర్తిదాయకమని సిరివెన్నెల కొనియాడారు. అలాంటి సన్నిహిత సంబంధం ఇద్దరి మధ్య ఉండేది.
కాగా, పవన్తో పాటు, ఎన్టీఆర్ కూడా సిరివెన్నెల పార్థివదేహాన్ని సందర్శించారు. ఆయన లేని లోటును వ్యక్తపరచడానికి కూడా మాటలు చాలట్లేదని భావోద్వేగంతో మాట్లాడారు. ఆయన ఆత్మకు శాంతి చేకూరాలని కోరుకుంటున్నట్లు తెలిపారు.
Also Read: సిరివెన్నెల గారు మనల్ని వదిలివెళ్ళడం ఎంతో బాధాకరం: రాజమౌళి