రాజమౌళి తో ‘ఆర్ఆర్ఆర్’ కోసం రెండేళ్లు కష్టపడిన జూనియర్ ఎన్టీఆర్ ఎట్టకేలకు బయటకు వచ్చారు. తన రెండో టీవీ షోను ప్రారంభిస్తున్నారు. తాజాగా జెమినీటీవీలో ప్రసారమయ్యే ‘ఎవరు మీలో కోటీశ్వరులు’ షూటింగ్ ను ఎన్టీఆర్ ప్రారంభించారు. ఈరోజు అన్నపూర్ణ స్టూడియోలో ఈ షూటింగ్ నడుస్తోంది. అక్కడ భారీ సెట్ ఏర్పాటు చేశారు.
జెమినీటీవీలో ప్రసారమయ్యే ఈ షో కోసం ఎన్టీఆర్ ‘జూలై 20’ వరకు షూటింగ్ చేస్తారు. ఈ సో కోసం యంగ్ టైగర్ ఎన్టీఆర్ ప్రోమో కూడా షూట్ చేశారు. త్వరలోనే ఇది జెమినీ టీవీలో ప్రసారం కానుంది.
జూలై 20 తర్వాత ఎన్టీఆర్ ‘ఆర్ఆర్ఆర్’ చివరి షెడ్యూల్ లో పాల్గొంటారు. వచ్చే నెలలో ‘ఉక్రెయిన్’లో రాజమౌళి దర్శకత్వం చివరి పాటల షూట్ లో పాల్గొంటారు. ఆ తర్వాత కొరటాల శివ దర్శకత్వంలో మరో మూవీలో నటించనున్నాడు.
జూనియర్ ఎన్టీఆర్ బుల్లితెరపై సందడి చేయడం కొత్తేమీ కాదు.. తెర ఏదైనా సరే తాను అడుగుపెడితే దద్దరిల్లాల్సిందేనని ‘బిగ్ బాస్’ తొలి సీజన్ తో నిరూపించాడు. బిగ్ బాస్ షోతో రికార్డులు బద్దలు కొట్టాడు. ఇప్పుడు మరో షోతో మన ముందుకు రచ్చ చేయడానికి వస్తున్నాడు.
