Game Changer Movie
Game Changer: గత కొంత కాలం నుండి హీరో నితిన్ సరైన సూపర్ హిట్ సినిమా కోసం ఎదురు చూస్తూ ఉన్నాడు. 2020 వ సంవత్సరంలో విడుదలైన ‘భీష్మ’ చిత్రం కమర్షియల్ గా పెద్ద హిట్ అయ్యింది. ఆ తర్వాత ఆయన చేసిన ‘చెక్’, ‘రంగ్ దే’, ‘మాస్ట్రో’, ‘మాచెర్ల నియోజకవర్గం’, ‘ఎక్స్ట్రా ఆర్డినరీ మ్యాన్’ వంటి చిత్రాలు ఘోరమైన డిజాస్టర్ ఫ్లాప్స్ గా నిలిచాయి. దీంతో నితిన్ మార్కెట్ పూర్తిగా డౌన్ అయ్యింది. ఇప్పుడు ఆయనకీ అర్జెంటు గా ఒక సూపర్ హిట్ సినిమా కావాలి. ఆ కసితోనే ఆయన ‘రాబిన్ హుడ్’ అనే చిత్రాన్ని చేస్తున్నాడు. తనకి ‘భీష్మ’ వంటి సూపర్ హిట్ చిత్రాన్ని అందించిన వెంకీ కుడుముల ఈ చిత్రానికి దర్శకత్వం వహిస్తున్నాడు. శ్రీలీలే హీరోయిన్ గా నటిస్తున్న ఈ సినిమాపై ప్రేక్షకుల్లో భారీ అంచనాలు ఉన్నాయి. ఆ అంచనాలకు తగ్గట్టుగానే సినిమాని తెరకెక్కించేందుకు ప్రయత్నం చేస్తున్నాడు వెంకీ.
కేవలం ఒక్క పాట మినహా, షూటింగ్ కార్యక్రమాలు మొత్తం పూర్తి చేసుకున్న ఈ సినిమా డిసెంబర్ 20 వ తారీఖున విడుదల కాబోతున్నట్టు లేటెస్ట్ గా వినిపిస్తున్న టాక్. త్వరలోనే ఈ చిత్రాన్ని నిర్మిస్తున్న ‘మైత్రీ మూవీ మేకర్స్’ సంస్థ విడుదల తేదీని అధికారికంగా ప్రకటించనున్నారు. వాస్తవానికి ఈ తేదీన గ్లోబల్ స్టార్ రామ్ చరణ్, శంకర్ కాంబినేషన్ లో తెరకెక్కిన ‘గేమ్ చేంజర్’ చిత్రం విడుదల కావాల్సి ఉంది. కానీ అదే రోజున ‘ముఫాసా : ది లయన్ కింగ్’ తో పాటుగా మరో భారీ హాలీవుడ్ చిత్రం విడుదల అవుతుండడం వల్ల , ఓవర్సీస్ వంటి ప్రాంతాలలో గేమ్ చేంజర్ చిత్రానికి తక్కువ షోస్ దొరికే ప్రమాదం ఉండడంతో ఈ చిత్రాన్ని జనవరి 10 కి వాయిదా వేశారు.
మరి ‘గేమ్ చేంజర్’ లాంటి భారీ చిత్రానికే వర్కౌట్ అవ్వదని ముందుకు వెళ్లిన ఈ నేపథ్యంలో, నితిన్ సినిమా అదే తేదీన విడుదలై తట్టుకోగలదా అని కొంతమంది నెటిజెన్స్ సోషల్ మీడియా లో తమ అభిప్రాయాన్ని వ్యక్తం చేస్తున్నారు. నితిన్ సినిమా సూపర్ హిట్ అవ్వాలంటే కేవలం 60 కోట్ల రూపాయిల గ్రాస్ వసూలు వస్తే చాలు. కానీ రామ్ చరణ్ సినిమా హిట్ అవ్వాలంటే కనీసం 500 కోట్ల రూపాయిల గ్రాస్ రాబట్టాలి. 60 కోట్ల రూపాయిల గ్రాస్ వసూళ్లు ఎన్ని హాలీవుడ్, బాలీవుడ్ చిత్రాలు వచ్చినా వసూలు చేయడం పెద్ద కష్టమేమి కాదు. కానీ 500 కోట్ల రూపాయిలు రాబట్టాలంటే కచ్చితంగా ఫ్రీ గ్రౌండ్ ఉండాలి. అందుకే ‘గేమ్ చేంజర్’ చిత్రం క్రిస్మస్ రేస్ నుండి తప్పుకుంది. నితిన్ ‘రాబిన్ హుడ్’ చిత్రానికి మాత్రం కాస్త యావరేజ్ టాక్ వచ్చినా ఆ సీజన్ లో బాగా ఆడేస్తుందని నమ్మకం తో ఉంది మూవీ టీం. మరి ఈ చిత్రం నితిన్ ని ఫ్లాపుల నుండి బయటకు తీసుకొస్తుందా లేదా అనేది చూడాలి.