Victory Venkatesh: విక్టరీ వెంకటేష్ కి సర్ ప్రైజ్ గిఫ్ట్ ఇచ్చిన నెట్ ఫ్లిక్స్… అదరగొట్టిన వెంకీ

Victory Venkatesh: టాలీవుడ్ స్టార్ హీరో విక్టరీ వెంకటేష్ గురించి ప్రత్యేకంగా పరిచయం చేయాల్సిన అవసరం లేదు. తనదైన నటనతో తెలుగు సినీ పరిశ్రమలో టాప్ హీరోగా కొనసాగుతూ దూసుకుపోతున్నాడు. కాగా నేడు వెంకీ పుట్టినరోజు ఈ సందర్భంగా సోషల్ మీడియాలో ఆయనకు పుట్టినరోజు శుభాకాంక్షలు వెల్లువెత్తాయి. మరోవైపు ఆయన నటిస్తున్న సినిమాల నుంచి మేకర్స్ సర్ప్రైజ్ ట్రీట్ లతో అభిమానులనూఙ్ఖుసి చేస్తున్నారు. తాజాగా వెంకటేష్ పుట్టినరోజు సందర్భంగా ఆయన నటిస్తున్న మొట్టమొదటి వెబ్ సిరీస్ ‘రానా నాయుడు’ నుండి ఫస్ట్ లుక్ ను ఆవిష్కరించారు. ఇందులో వెంకీ మామ ఓల్డ్ మ్యాన్ గా కన్పించి అందరికి షాకిచ్చాడు. పూర్తిగా నెరిసిన జుట్టు, మీసాలతో వెంకటేష్ ఎప్పటిలాగే కూల్, స్టైలిష్‌గా కన్పించాడు. నెరిసిన జుట్టు ఉన్నప్పటికీ గతంలో కంటే యవ్వనంగా, అందంగా వెంకీ మామ కన్పిస్తుండడం విశేషం అని చెప్పాలి.

ఈ మేరకు నెట్‌ఫ్లిక్స్ ఇండియా సౌత్ ట్విట్టర్ హ్యాండిల్ లో ఈ చిత్రాన్ని షేర్ చేసి “ఇంతకీ ఏమొచ్చు ? ఫ్రెండ్స్ తో ఉన్నా, ఫ్యామిలీతో ఉన్నా, ఒంటరిగా ఉన్నా వెంకీ మామ సినిమాలూ ఎంజాయ్ చేయడం వచ్చు. శైలి ఏదైనా, భావోద్వేగం ఏదైనా… ఒకే పేరు పుట్టినరోజు శుభాకాంక్షలు వెంకీ మామా…” అంటూ ట్వీట్ చేశారు. దీనిని రీట్వీట్ చేస్తూ టాలీవుడ్ హీరో రానా “నాకు ఇది ఇష్టం… ఏదైనా జానర్, ఏదైనా ఎమోషన్, సింగిల్ నేమ్ వెంకీ” అంటూ కామెంట్ చేశారు. కరణ్ అన్షుమాన్, సుపర్ణ్ వర్మ దర్శకత్వం వహించిన ‘రానా నాయుడు’ ప్రముఖ అమెరికన్ టీవీ సిరీస్ ‘రే డోనోవన్’కి భారతీయ అనుకరణగా రూపొందుతోంది. అలాగే బాబాయ్ వెంకీ, అబ్బాయి రానా స్క్రీన్ షేర్ చేసుకోవడం ఇదే తొలిసారి. దీంతో దగ్గుబాటి అభిమానుల్లో ఉత్కంఠ నెలకొంది. ప్రస్తుతం షూటింగ్ దశలో ఉన్న నెట్‌ఫ్లిక్స్ వచ్చే ఏడాది నుంచి వెబ్ సిరీస్‌ను ప్రసారం చేయనుంది. మరోవైపు వెంకటేష్, వరుణ్ తేజ్ తో కలిసి అనిల్ రావిపూడి డైరెక్షన్ లో నటిస్తున్న “ఎఫ్3” నుంచి వెంకికీ సంబంధించిన చిన్న వీడియోను విడుదల చేశారు. ఈ వరుస అప్డేట్ లతో వెంకటేష్ అభిమానులు ఫుల్ జోష్ లో ఉన్నారు.