Nani : ప్రముఖ యంగ్ హీరో రానా దగ్గుబాటి వ్యాఖ్యాతగా, అమెజాన్ ప్రైమ్ వీడియో లో ‘ది రానా షో’ అనే టాక్ షో ఇటీవలే స్ట్రీమింగ్ ని మొదలు పెట్టుకున్న సంగతి తెలిసిందే. మొదటి ఎపిసోడ్ లో నాని, తేజ సజ్జ, ప్రియాంక అరుణ్ మోహన్ పాల్గొన్నారు. ఈ ఎపిసోడ్ మొత్తం చూసేందుకు చాలా సరదాగా అనిపించింది. వీళ్ళ మధ్య ఉన్న బాండింగ్ గురించి మనకెవ్వరికీ తెలియని ఎన్నో ఆసక్తికరమైన విషయాలు తెలియడంతో పాటు, భవిష్యత్తులో చేయబోయే ప్రాజెక్ట్స్ గురించి కూడా చెప్పుకొచ్చారు. ప్రియాంక మోహన్ ప్రస్తుతం పవన్ కళ్యాణ్ తో ‘ఓజీ’ చిత్రంలో నటిస్తున్న సంగతి తెలిసిందే. రానా ఈ చిత్రం లో పవన్ కళ్యాణ్ తో పని చేస్తున్నప్పుడు ఎలాంటి అనుభూతి కలిగింది?, ఫన్ దొరికిందా అని అడుగుతాడు. దానికి ప్రియాంక మోహన్ సమాధానం చెప్తూ ‘చాలా ఫన్ దొరికింది. పవన్ సార్ తో కలిసి పని చేయడం ఒక అద్భుతమైన అనుభూతి కలిగింది’ అంటూ చెప్పుకొచ్చింది.
రానా మరో ప్రశ్న అడుగుతూ ‘మీ ఇద్దరి కాంబినేషన్ లో సన్నివేశాలను చిత్రీకరించారా?’ అని అడగగా, దానికి ఆమె సమాధానం చెప్తూ ‘మా ఇద్దరి కాంబినేషన్ లో వచ్చే సన్నివేశాలు 90 శాతం వరకు పూర్తి అయ్యాయి, కేవలం కొన్ని మాత్రమే మిగిలి ఉన్నాయి, పవన్ కళ్యాణ్ సార్ డేట్స్ కోసం ఎదురు చూస్తున్నాం’ అని చెప్పుకొచ్చింది. నాని పవన్ కళ్యాణ్ గురించి మాట్లాడుతూ ‘ఆయన సినిమాల్లో ఉన్నంత వరకు ఒక మిస్టిక్ పర్సనాలిటీ..సినిమాలు చేస్తున్నారు, పవర్ స్టార్, ఒక పెద్ద హీరో..కానీ డిప్యూటీ సీఎం అయ్యాక మనిషి చాలా పర్సనల్ గా తెలిసాడనే ఫీలింగ్ కలిగింది అని చెప్పుకొచ్చాడు’. నాని మాట్లాడిన ఈ మాటలను పవన్ కళ్యాణ్ అభిమానులు సోషల్ మీడియా లో షేర్ చేస్తూ తమ ఆనందాన్ని పంచుకున్నారు. ఆద్యంతం సరదాగా సాగిపోయిన ఈ టాక్ షోని అమెజాన్ ప్రైమ్ లో వెంటనే చూసేయండి.
చాలా కాలం తర్వాత ఒక టాక్ షో చాలా రియలిస్టిక్ గా, నలుగురు స్నేహితులు ఖాళీ సమయంలో కూర్చొని మాట్లాడుకుంటే ఎలా ఉంటుందో, అలా ఉంటుంది ఈ ఎపిసోడ్ మొత్తం. ఇది ఇలా ఉండగా రీసెంట్ తేజ సజ్జ, రానా దగ్గుబాటి కలిసి IIFA ఈవెంట్ కి హోస్టులు గా వ్యవహరించిన సంగతి తెలిసిందే. హీరోల పై వీళ్లిద్దరు వేసిన సెటైర్లు సోషల్ మీడియా లో బాగా వైరల్ అయ్యి కాంట్రవర్సిలకు తెర లేపింది. ఈ అంశంపై కూడా చాలా ఫన్నీ సంభాషణ ఈ ఎపిసోడ్ లో జరుగుతుంది. షో కాన్సెప్ట్ ని చూస్తుంటే కచ్చితంగా భవిష్యత్తులో బాలకృష్ణ ‘అన్ స్టాపబుల్ కి దీటుగా ఉంటుందని అనిపిస్తుంది. ప్రస్తుతం ఇండియా లో నెంబర్ 1 టాక్ షోగా ‘అన్ స్టాపబుల్’ షో కొనసాగుతుంది. IMDB లో వరల్డ్ లోనే 18 వ ర్యాంకింగ్ లో ఉంది ఈ షో. మరి ‘ది రానా షో’ ఆ రేంజ్ ని అందుకుంటుందా లేదా అనేది చూడాలి.
Natural Star @NameisNani about AP Deputy CM @PawanKalyan. pic.twitter.com/6QrA2wVjo9
— Trend PSPK (@TrendPSPK) November 23, 2024