ఓ దశలో ఎన్టీఆర్ తో సినిమా ఫైనల్ అంటూ బుచ్చిబాబు పేరు మారుమోగిపోయింది. కానీ ఆ వార్త ఉత్తిదే అని తేలిపోయింది అనుకోండి. ఏది ఏమైనా తన రెండో సినిమాను కూడా మళ్లీ మైత్రీకే చేయాల్సి వుంది బుచ్చి బాబు. ఇది మైత్రీ రాయించుకున్న అగ్రిమెంట్. అందుకే బుచ్చిబాబు త్వరగా మైత్రీకి సినిమా చేసి, బయట బ్యానర్స్ కి సినిమాలు చేయాలని తెగ ఆరాటపడుతున్నాడు.
ఈ క్రమంలో ఇప్పటికే బుచ్చిబాబు కథను పూర్తి చేశాడు. మైత్రీలో ఫుల్ కథను కూడా వినిపించాడు. కానీ, మైత్రీ మేకర్స్ కథ పై ఏ అభిప్రాయం చెప్పకుండా ఆ కథను తీసుకెళ్లి నానికి చెప్పామన్నారు. కథ విన్న నాని, అసలు బాగాలేదు అని డైరెక్ట్ గా చెప్పేసి వెళ్లిపోయాడట. పైగా అతనికి అసలు కథ పై క్లారిటీ లేదు అంటూ బుచ్చిబాబును ఉద్దేశించి పెదవి విరిచినట్లు టాక్.
ఆ పెదవి విరుపు మాటలు కాస్త బుచ్చిబాబు చెవులకు చేరాయి. వాటిని తీవ్ర అవమానంగా భావించి బుచ్చిబాబు తెగ ఫీల్ అయినట్టు తెలుస్తోంది. మొత్తానికి ఫుల్ నెరేషన్ ఇవ్వకుండానే తన కథ బాగాలేదు అనే టాక్ ను తేచుకున్నాడు బుచ్చిబాబు. పైగా ఈ కథను చేయడానికి బుచ్చిబాబు దాదాపు రెండు నెలలుగా హోటల్ కే పరిమితం అయిపోయి సీరియస్ గా కథను రాశాడు. కానీ బుచ్చిబాబు కథ పూర్తిగా తేలిపోయినట్లే.
