Hero Nani: నేచురల్ స్టార్ నాని హీరోగా రాహుల్ సాంకృత్యాన్ దర్శకత్వంలో తెరకెక్కుతోన్న సినిమా శ్యామ్ సింగరాయ్. విభిన్న కథాంశంతో ఈ సినిమాను సరికొత్తగా రూపొందించారు దర్శకుడు రాహుల్. ఇందులో నాని డ్యుయర్ రోల్లో కనిపించనున్నారు. రెండు వేర్వేరు కాలాలకు సంబంధించిన కథతో ఈ సినిమాను తీశారు. నిహారిక ఎంటర్‌టైన్‌మెంట్స్‌పై ప్రొడక్షన్ నంబర్ 1గా వెంకట్ బోయనపల్లి ఈ చిత్రాన్ని నిర్మిస్తున్నారు.
https://twitter.com/NameisNani/status/1472789616855949316?s=20
కాగా, ఈ సినిమాలో సాయిపల్లవితో పాటు కృతి శెట్టి, మడోన్నా సెబాస్టియన్లు హీరోయిన్లుగా కనిపించనున్నారు. ఈ సినిమా కోసం నాని ఎంత కష్టపడ్డాడో ట్రైలర్ చూస్తుంటేనే తెలుస్తోంది. డిసెంబరు 24న ఈ సినిమా క్రిస్మస్ కానుకగా ప్రేక్షకుల ముందుకు రానుంది. కాగా, చాలా గ్యాప్ తర్వాత నానికి తీరిక దొరికినట్లుంది.. ఈ క్రమంలోనే తన సతీమణి అంజన, కొడుకు అర్జున్ (జున్ను)తో సరదాగా గడుపుతున్నాడు. తాజాగా, తన కుమారుడు జున్నుతో ఆడుకుంటున్న ఓ వీడియోను నెట్టింట పోస్ట్ చేశారు నాని.
ఇందులో తన తండ్రి మీసాలను మెలితిప్పుతున్న అర్జున్ను చూసి నా పేరు ఏంటో తెలుసా? అని అడుగుతాడు నాని. అప్పుడు అర్జున్ శ్యామ్ సింగరాయ్ అని నవ్వుతూ అంటాడు. తర్వాత సింహంలా ఉన్నావ్ నాన్న అంటూ మళ్లీ మీసాలు తిప్పుతాడు. ప్రస్తుతం ఈ వీడియో నెట్టింట వైరల్గా మారింది. ఈ క్రమంలోనే తండ్రీ కొడుకుల ప్రేమను చూసి నెటిజన్లు మురిసిపోతున్నారు.