Nagababu: నటుడు శివాజీ(Actor Shivaji) హీరోయిన్స్ వేసుకునే దుస్తుల గురించి చేసిన కామెంట్స్ తాలూకా వేడి రోజు రోజుకు పెరగడమే తప్ప, తగ్గడం లేదు. నిన్న మొన్నటి వరకు చిన్న స్థాయి సెలబ్రిటీలు మాత్రమే ఈ అంశంపై స్పందిస్తూ, శివాజీ ని తప్పుబడుతూ వచ్చారు. ఇప్పుడు పెద్ద రేంజ్ కి వెళ్ళింది. సాక్ష్యాత్తు ఆంద్ర ప్రదేశ్ ఉప ముఖ్యమంత్రి సోదరుడు, శాసన మండలి సభ్యుడు, జనసేన పార్టీ లో క్రియాశీలక పాత్ర పోషిస్తున్న కొణిదెల నాగబాబు(Nagababu Konidela) ఈ అంశంపై కాసేపటి క్రితమే స్పందించాడు. ఆయన స్పందన ఎవ్వరూ ఊహించని విధంగా చాలా ఘాటుగానే ఉంది. ఆడవాళ్లు ఇలాంటి వస్త్రాలను మాత్రమే ధరించాలి, సామాన్లు కనిపించేలా పొట్టి వస్త్రాలను ధరించకూడదు, అలా చేయడం వల్లే రీసెంట్ గా నిధి అగర్వాల్ కి లుల్లూ మాల్ లో అలాంటి ఘటన ఎదురైంది అంటూ శివాజీ చేసిన వ్యాఖ్యలను నాగబాబు తీవ్రంగా స్పందించాడు.
ఆయన మాట్లాడుతూ ‘ఇప్పుడు నేను జనసేన పార్టీ కార్యకర్తగా కానీ, ప్రభుత్వం తరుపున ఎమ్మెల్సీ సభ్యుడిగా కానీ మాట్లాడడం లేదు. కేవలం ఒక సాధారణ మనిషి లాగా మాట్లాడుతున్నాను. ఈమధ్య కాలం లో కొంతమంది ఆడవాళ్లు ఇలాంటి వస్త్రాలే ధరించాలి అని స్టేజీలు ఎక్కి ఇష్టమొచ్చినట్టు మాట్లాడుతున్నారు. ముఖ్యంగా రీసెంట్ గానే శివాజీ గారు ఇలాంటి కామెంట్స్ చేశారు. ఆడవాళ్లు ఇలాంటి దుస్తులే ధరించాలి అని చెప్పడానికి మీరు ఎవరండీ?, వాళ్ళ అభిరుచికి తగ్గట్టు, ఫ్యాషన్ కి తగ్గట్టు బట్టలు వేసుకుంటారు, మగ అహంకారం తో ఇష్టమొచ్చినట్టు మాట్లాడేస్తారా?. ముందు మదమెక్కిన మగవాళ్ల ఆలోచన విధానం మారాలి. గుంపు లో వెళ్తున్న ఒక ఆడబిడ్డ ని ముట్టుకుంటే అడిగేవాళ్ళు లేరు అనే స్వేచ్ఛ తో పశువు లాగా వ్యవహరించే మగవాళ్ల వక్ర బుద్ధి గురించి మాట్లాడాలి. ఆడబిడ్డని ముట్టుకోవాలని అనుకున్నవాడు, శరీరమంతా కప్పుకునే వస్త్రాలను ధరించినా ముట్టుకుంటాడు, పొట్టి బట్టలు వేసుకున్నా ముట్టుకుంటాడు’.
‘నువ్వు ఆడవాళ్ళకు చెప్పాల్సింది ఏమిటంటే, మీ రక్షణా వ్యవస్థని బలపరుచుకోండి అని. మీ చుట్టూ మృగాలు లాగా ప్రవర్తించే మగవాళ్ళు ఉన్నారు, వాళ్ళ నుండి మిమ్మల్ని మీరు ఎలా రక్షించుకోవాలో వాటి పై ద్రుష్టి పెట్టండి. అందరి మగాళ్ల గురించి నేను మాట్లాడడం లేదు, నీచమైన బుద్ధి ఉన్న మగవాళ్ల గురించే నేను మాట్లాడుతున్నాను. దురదృష్టం ఏమిటంటే కొంతమంది ఆడవాళ్లు కూడా శివాజీ చేసిన వ్యాఖ్యలకు మద్దతు ఇస్తున్నారు. కచ్చితంగా వాళ్ళు తమ ఇంట్లో వాళ్లకు భయపడి ఇస్తుంటారు కానీ, ప్రతీ ఆడబిడ్డకు ఆత్మగౌరవం ఉంది’ అంటూ చెప్పుకొచ్చాడు. ఇంకా ఆయన ఏమేమి మాట్లాడాడో మీరే చూడండి. 14 నిమిషాల వ్యవధి ఉన్న ఈ వీడియో లో నాగబాబు ఆవేశం ని చూస్తే ఆశ్చర్యపోక తప్పదు.
వస్త్రధారణ స్త్రీల వ్యక్తిగత హక్కు. Moral policing is against the Constitution.
Moral policing is unconstitutional in India. Courts have repeatedly held that it violates fundamental rights such as liberty, dignity, privacy, and equality guaranteed under Articles 14, 19, and 21… pic.twitter.com/t927DNMnNV
— Naga Babu Konidela (@NagaBabuOffl) December 27, 2025
