Lakshya: అశ్వత్థామ సినిమాలో యాక్షన్ హీరోగా పేరు తెచ్చుకున్న నటుడు నాగశౌర్య. ఇటీవల వరుడు కావలెను అంటూ రొమాంటిక్ కామెడీ ఎంటర్టైనర్తో ప్రేక్షకులను పలకరించి.. విభిన్న కథలను ఎంచుకునే హీరోగా ప్రత్యేక గుర్తింపు పొందారు. రీతు వర్మ హీరోయిన్గా నటించిన ఈ సినిమా ప్రేక్షకులను అమితంగా ఆకట్టుకుంది. లక్ష్మీ సౌజన్య ఈ సినిమాతో తెలుగు తెరకు దర్శకురాలిగా పరిచయమయ్యారు. కాగా, ప్రస్తుతం నాగ శౌర్య వరుసగా మూడు, నాలుగు ప్రాజెక్టులతో బిజీగా ఉన్నారు. అందులో ఒకటి లక్ష్య సినిమా. ఆర్చరీ బ్యాక్డ్రాప్ నేపథ్యంలో స్పోర్ట్స్ యాక్షన్ డ్రామాగా తెరకెక్కుతోన్న ఈ చిత్రాన్ని.. నార్త్ స్టార్ ఎంటర్టైన్మెంట్, శ్రీ వెంకటేశ్వర సినిమాస్ సంయుక్తంగా నిర్మిస్తున్నాయి.
సంతోష్ జాగర్లపూడి దర్శకత్వం వహిస్తున్నారు. ఇప్పటికే ఈ సినిమా నుంచి వచ్చిన టీజర్, పోస్టర్స్ అభిమానులకు మెప్పించాయి. తాజాగా, ఈ సినిమా నుంచి సింగిల్ లిరికల్ వీడియో విడుదలైంది. ఇందులో కీలక పాత్ర పోషిస్తున్న జగపతి బాబుతో నాగశౌర్యకు ఉన్న రిలేషన్ను ఎలివేట్ చేసేలా ఈ సాంగ్ను రూపొందించారు. కీరవాణి తనయుడు కాలభైరవ సంగీతం అందించారు.
నటుడు – దర్శకుడుగా పేరు పొందిన అవసరాల శ్రీనివాస్ దర్శకత్వంలో నాగ శౌర్య ఓ సినిమా చేస్తున్నారు నాగశౌర్య. తాజాగా ఈ సినిమా గురించి ఓ ఆసక్తికరమైన అప్డేట్ సోషల్ మీడియాలో వైరల్ అవుతోంది. ఇప్పటి వరకు చేసిన సినిమాలతో పోలిస్తే.. ఇందులో నాగశౌర్య పాత్ర భిన్నంగా ఉండబోతున్నట్లు సమాచారం. ఏదేమైనా క్రేజీ ప్రాజెక్టులతో విభిన్న కథలతో నాగశౌర్య తన కెరీర్లో దూసుకుపోతున్నాడన్నది నిజం.