Mohan Babu As Villain In Balayya Film: నందమూరి నటసింహం బాలయ్య బాబు కెరియర్ స్టార్టింగ్ నుంచి కూడా మాస్ సినిమాలు చేస్తున్నాడు. మధ్యలో ప్రయోగాత్మకమైన సినిమాలను చేస్తూ ప్రేక్షకులను అలరించిన ఆయన ఎక్కువగా మాస్ సినిమాల వైపు మొగ్గు చూపిస్తున్నాడు. ఇక తనకు బీ,సీ సెంటర్ లో కూడా మంచి క్రేజ్ ఉంది. కాబట్టి ఆయన కమర్షియల్ సినిమాలు చేయడానికి అది కూడా ఒక కారణమనే చెప్పాలి. ఇంకా ఆయన ప్రయోగాత్మకమైన సినిమాలు చేసినపుడు కొన్నిసార్లు సక్సెసులు సాధిస్తే, ఇంకొన్ని సార్లు ఫెయిల్ అయిపోయాడు. అందువల్లే కమర్షియల్ ఫార్మాట్లోనే సినిమాలను చేసుకుంటే ఈజీగా సక్సెస్ ని సాధించవచ్చు అనే ఒక ఈజీ వే లో బాలయ్య బాబు ముందుకు వెళ్తున్నాడు… ఇక ప్రస్తుతం ఆయన గోపీచంద్ మలినేని దర్శకత్వంలో ఒక సినిమా చేస్తున్నాడు. గత సంవత్సరం ‘అఖండ 2’ సినిమాతో ప్రేక్షకుల ముందుకు వచ్చినప్పటికి ఆ సినిమా ఆశించిన మేరకు విజయాన్ని సాధించలేదు.
Also Read: మన్మోహన్ మోపిన భారం.. భరించిన మోదీ సర్కార్!
దాంతో ఆయన కొంతవరకు నిరాశ చెందాడు. ఇక ప్రస్తుతం గోపీచంద్ మలినేని దర్శకత్వంలో చేస్తున్న సినిమా కమర్షియల్ ఫార్మాట్లోనే ఉంటుంది. కాబట్టి ఈ సినిమాలో విలన్ పాత్ర చాలా స్ట్రాంగ్ గా ఉండబోతుందట. దానికోసం మోహన్ బాబు ను తీసుకుంటున్నట్టుగా వార్తలైతే వస్తున్నాయి. ఇక మోహన్ బాబు – బాలయ్య బాబు మధ్య మంచి సన్నిహిత సంబంధాలైతే ఉన్నాయి.
మోహన్ బాబు మంచి నటుడు అలాగే బాలయ్య బాబు సైతం ఎలాంటి పాత్రనైనా సరే అలవోకగా పోషించగలిగే కెపాసిటి ఉన్న నటుడు మరి వీళ్ళిద్దరు ఒకే ఫ్రేమ్ లో కనిపిస్తే ఎవరు ఎవరిని డామినేట్ చేసుకుంటారు. తద్వారా ఎవరు ఎలివేట్ అవుతారనేది తెలియాల్సి ఉంది… ప్రస్తుతం మోహన్ బాబు వరుసగా చాలా సినిమాలకు కమిట్ అవుతున్నాడు. ‘ప్యారడైజ్’ సినిమాలో విలన్ పాత్రను పోషిస్తున్నాడు.
ఇక ఈ మూవీ తో పాటుగా మంగళవారం ఫేమ్ అజయ్ భూపతి డైరెక్షన్ లో మహేష్ బాబు అన్న కొడుకు అయిన ‘జయ కృష్ణ’ హీరోగా చేస్తున్న ‘శ్రీనివాసా మంగాపురం’ లో సైతం ఒక డిఫరెంట్ పాత్రని చేస్తున్నాడు. రీసెంట్ గా ఆ సినిమా నుంచి మోహన్ బాబు ఫస్ట్ లుక్ పోస్టర్ కూడా వచ్చింది. మొత్తానికైతే ఈ సంవత్సరం, వచ్చే సంవత్సరం మొత్తం మోహన్ బాబు మేనియా నే నడువబోతున్నట్టుగా తెలుస్తుంది… చూడాలి మరి మోహన్ బాబు ఈ సినిమాలతో తన సత్తా చాటుతాడా లేదా అనేది…