Mega Heroes : సాధారణంగా ఒక్క హీరో తెరమీద కనపడితేనే అభిమానులకు పండుగలా ఉంటుంది. మరి ముగ్గురు హీరోలు కలిసి ఒకే ఫ్రేములో కనపడితే మరి అభిమానులకు ఎలా ఉంటుందో ఊహించుకోవచ్చు. ప్రస్తుతం మెగా హీరోలు రామ్ చరణ్, సాయి ధరమ్ తేజ్ తో కలిసి జిమ్ లో ఉన్న ఫొటోను మరో హీరో సాయి దుర్గా తేజ్ సోషల్ మీడియాలో షేర్ చేశారు. జిమ్ ట్రైనర్తో కలిసి వారు ఫొటోకు పోజులిచ్చారు. ప్రస్తుతం రామ్ చరణ్ RC16లో బిజీగా ఉండగా ‘సంబరాల ఏటి గట్టు’తో సాయి ధరమ్ తేజ్, మేర్లపాక గాంధీ సినిమాతో వరుణ్ బిజీగా ఉన్నారు. ఈ ఫొటో కింద చాలా కాలం తర్వాత మెగా హీరోలను ఒకే ఫ్రేమ్ లో చూడటం సంతోషంగా ఉందని ఫ్యాన్స్ కామెంట్లు చేస్తున్నారు.
మెగా ఫ్యామిలీకి చెందిన ముగ్గురు హీరోలు రామ్ చరణ్, వరుణ్ తేజ్, సాయి ధరమ్ తేజ్ (సాయి దుర్గా తేజ్) ఒకే చోట కలిసి జిమ్లో వర్కౌట్ చేయడం అభిమానులకు కనువిందుగా మారింది. సాధారణంగా ఈ ముగ్గురు కలిసి కనపడడం చాలా అరుదుగా జరుగుతుంది. కానీ ఈసారి ముగ్గురు కలిసి జిమ్లో శక్తివంతమైన వర్కౌట్ చేస్తూ ఒక ఫోటోకు పోజిచ్చారు. ఈ ఫోటోను సాయి తేజ్ తన ఇన్స్టాగ్రామ్లో ‘‘We don’t rest… we reload together!!!’’ అనే క్యాప్షన్తో షేర్ చేశారు. ఈ ఫోటోకు మెగా అభిమానులు ఫిదా అవుతూ తెగ కామెంట్స్ చేస్తున్నారు. మెగా వారసుల మధ్య అనుబంధాన్ని చూసి ఫ్యాన్స్ ఎంతో ఆనందం వ్యక్తం చేస్తున్నారు. రామ్ చరణ్ సతీమణి ఉపాసన కొణిదెల కూడా ఈ ఫోటోను లైక్ చేశారు.
మెగా ఫ్యాన్స్ ఖుషీ!
మెగా కుటుంబానికి చెందిన ఈ ముగ్గురు హీరోలు ఒకే చోట కలవడం అభిమానులను ఎంతగానో ఉత్సాహపరిచింది. ఫోటో ఎక్కడ తీసుకున్నారనే విషయం స్పష్టంగా తెలియనప్పటికీ, మెగా ఫ్యాన్స్ ఇది వారి పర్సనల్ హోమ్ జిమ్లో తీసుకున్నదని భావిస్తున్నారు. తమ అభిమాన హీరోల మాస్ లుక్ను చూసిన మెగా ఫ్యాన్స్ “మెగా పవర్.. మెగా మాస్.. మెగా ఫిట్నెస్!” అంటూ కామెంట్స్ చేస్తున్నారు.
సినిమాల కోసం ముమ్మరంగా ప్రిపరేషన్!
వీరు జిమ్లో చెమటోడ్చడమే కాకుండా, తమ తమ సినిమాల కోసం కూడా ప్రిపరేషన్ చేస్తున్నారు. వరుణ్ తేజ్ తన రాబోయే “కొరియన్ కనకరాజు” సినిమా కోసం కిక్బాక్సింగ్, MMA (మిక్స్డ్ మార్షల్ ఆర్ట్స్) నేర్చుకుంటున్నారు. రామ్ చరణ్.. దర్శకుడు బుచ్చిబాబు సానాతో చేస్తున్న “RC 16” కోసం మరింత పవర్ఫుల్ లుక్లో కనిపించేందుకు కసరత్తులు చేస్తున్నారు. సాయి ధరమ్ తేజ్ తన కొత్త చిత్రం “సంబరాల యేటి గట్టు” కోసం స్పెషల్ ట్రైనింగ్ తీసుకుంటున్నారు.
మెగా పవర్, మెగా ఫిట్నెస్!
వీరి ఫిట్నెస్ ట్రాన్స్ఫర్మేషన్ చూస్తుంటే, వారి రాబోయే చిత్రాలు మరింత ఆసక్తికరంగా ఉండబోతున్నాయనిపిస్తోంది. జిమ్లో వీరి ఎనర్జీ, బాడీ లాంగ్వేజ్, మెగా వారసుల మాస్ లుక్ అభిమానులకు కిక్ ఇస్తుంది.
