Mega 154 Movie New Video: నిన్న గాక మొన్న రెగ్యులర్ షూటింగ్ ని మొదలు పెట్టుకున్నట్టు అనిపిస్తున్న మెగాస్టార్ చిరంజీవి(Megastar Chiranjeevi), అనిల్ రావిపూడి(Anil Ravipudi) ప్రాజెక్ట్ అప్పుడే మొదటి షెడ్యూల్ ని పూర్తి చేసుకుంది. ఈ సందర్భంగా అభిమానుల కోసం ఒక వీడియో ని విడుదల చేయగా అది సోషల్ మీడియా లో బాగా వైరల్ అయ్యింది. చిరంజీవి స్టైల్ గా అలా కూర్చొని ఉండగా, చిన్న పిల్లలు పరుగులు తీస్తూ ఆయన వైపుకు వస్తున్నారు. అప్పుడు చివర్లో రెండవ షెడ్యూల్ ముస్సోరీ లో మొదలైంది అని అప్డేట్ ఇస్తారు. బ్యాక్ గ్రౌండ్ మ్యూజిక్ కూడా చాలా కొత్తగా అనిపించింది. ఈ చిన్న బిట్ వీడియో ని చూసినప్పుడు అర్థం అయ్యింది ఏమిటంటే ఇది స్కూల్ నేపథ్యం లో సాగే చిత్రమని. ఇందులో మెగాస్టార్ చిరంజీవి టీచర్ గా, లేదా పీటీ మాస్టర్ గా కనిపించబోతున్నట్టు తెలుస్తుంది.
రీ ఎంట్రీ తర్వాత చిరంజీవి నుండి ఆయన అభిమానులు రీమేక్ సినిమాలు, లేకపోతే రొటీన్ కమర్షియల్ సినిమాలు మాత్రమే చూస్తూ వచ్చారు. ఈ సినిమాని చూస్తుంటే చాలా ఫ్రెష్ ఫీలింగ్ కలుగుతుంది. ఇందులో మెగాస్టార్ మార్క్ కామెడీ టైమింగ్ తో పాటు ఆయన మార్క్ హీరోయిజం కూడా ఎక్కడా మిస్ అవ్వకుండా చూశాడట డైరెక్టర్ అనిల్ రావిపూడి. ఆయన స్పీడ్ చూస్తుంటే ‘విశ్వంభర’ చిత్రం కంటే ముందు ఇదే విడుదల అయ్యేలా ఉంది. మొదటి షెడ్యూల్ ఔట్పుట్ పట్ల మెగాస్టార్ చిరంజీవి ఎంతో సంతృప్తి చెండాడట. రీ ఎంట్రీ తర్వాత ఒక డైరెక్టర్ పనితనానికి మెగాస్టార్ మంత్రముగ్దులు అవ్వడం ఈ సినిమాకే జరిగిందట. వారం రోజుల షెడ్యూల్ ని ప్లాన్ చేస్తే కేవలం ఆరు రోజుల్లోనే షెడ్యూల్ ని ముగించాడట డైరెక్టర్ అనిల్ రావిపూడి. ఇది నిజంగా ఆయన ప్రతిభ కి నిదర్శనమే కదా. తన విజన్ కి తగ్గ ప్రతిభ గల నటులు దొరికితే ఔట్పుట్ ఇంతే వేగంగా వచ్చేస్తుంది.
ఇకపోతే ఈ చిత్రం లో హీరోయిన్ గా నయనతార(Nayanathara) నటిస్తున్న సంగతి తెలిసిందే. మెగాస్టార్ చిరంజీవి తో ఆమెకి ఇది మూడవ సినిమా. గతంలో ‘సైరా నరసింహా రెడ్డి’, ‘గాడ్ ఫాదర్’ వంటి చిత్రాల్లో నటించింది. రెండు సినిమాల్లోనూ ఆమెకు మంచి పాత్రలే దక్కాయి. ఈ సినిమాలో కూడా ఆమె కోసం సాలిడ్ రోల్ ని రాసుకున్నది డైరెక్టర్ అనిల్ రావిపూడి. ఎప్పుడూ కూడా ప్రొమోషన్స్ లో పాల్గొనడానికి ఇష్టపడని నయనతార, ఈ సినిమా ప్రొమోషన్స్ లో పాల్గొనడానికి మాత్రం సిద్దపడింది. ఆమె ఈ ప్రాజెక్ట్ లోకి ఎంట్రీ ఇస్తున్నట్టు తయారు చేయించిన స్పెషల్ వీడియోనే సోషల్ మీడియా ని ఒక రేంజ్ హీటెక్కించింది. ఇక నయనతార పూర్తి స్థాయి ప్రొమోషన్స్ చేస్తే ఎలా ఉంటుందో చూడాలి. 2026 వ సంవత్సరం సంక్రాంతి కానుకగా ఈ చిత్రం విడుదల కాబోతుంది.
Mountains. Magic. Megastar. ❤️❤️❤️
The second schedule of #Mega157 begins in Mussoorie where some crucial and entertaining scenes featuring Megastar @KChiruTweets, #Nayanthara and other main cast will be shot #ChiruAnil SANKRANTHI 2026 – రఫ్ఫాడించేద్దాం @anilravipudi… pic.twitter.com/N2NOCPABPd
— Shine Screens (@Shine_Screens) June 11, 2025
