సౌత్ ఫిల్మ్ ఇండస్ట్రీలో మరో తీవ్రమైన విషాదం చోటుచేసుకుంది. ప్రముఖ మలయాళ సినీ, బుల్లితెర నటుడు రమేశ్ వలీయశాల(Ramesh Valiyasala) ఇక లేరు. ఆయన వయసు 54 సంవత్సరాలు. అయితే, ఆయన ఆత్మహత్య చేసుకుని చనిపోవడం అందర్నీ కలిచివేస్తోంది. రమేశ్ అకాల మరణాన్ని మలయాళ పరిశ్రమ తట్టుకోలేకపోతోంది. ఆయన ఆత్మహత్య తీవ్ర కలకలం రేపుతోంది.
ఆయన 22 ఏళ్లకు పైగా ఆయన చిత్ర సీమలో పని చేస్తున్నారు. ఎంతో అనుభవం ఉన్న ఈ సీనియర్ నటుడు ఇలా తన నివాసంలో ఉరి వేసుకుని ఆత్మహత్యకు పాల్పడటం చాలా బాధ కరమైన విషయం. రమేశ్ మరణ వార్తకు విషాద ఛాయలలో మలయాళ చిత్ర పరిశ్రమ మునిగిపోయింది.
మలయాళ నటీనటులతో పాటు మిగిలిన సౌత్ పరిశ్రమకు చెందిన నటీనటులు, దర్శక-నిర్మాతలు కూడా రమేశ్ మృతికి నివాళులు ఆర్పిస్తూ ఆయన కుటుంబానికి సంతాపం తెలుపుతున్నారు. ఇంతకీ ఆయన ఎందుకు ఆత్మహత్య చేసుకున్నారు అనేది ఎవరికీ అంతుబట్టడం లేదు.
దీంతో పోలీసులు అనుమానాస్పద మృతిగా కేసు నమోదు చేసి దర్యాప్తు చేపట్టారు. ప్రముఖలతో పాటు నెటిజన్లు కూడా ఆయన మృతి పట్ల తమ సంతాపాన్ని వ్యక్తం చేస్తున్నారు. మా ‘ఓకేతెలుగు.కామ్’ తరఫున రమేశ్ మృతి పట్ల తీవ్ర సంతాపాన్ని తెలియజేస్తున్నాము
