Tollywood: సినిమా కథ రెడీ అయ్యింది. హీరో కూడా దొరికెశాడు. ఇక హీరోయిన్ ఎవరా అని ఆలోచిస్తుండగా.. డైరెక్టర్కు సడన్గా మైండ్లో ఏదో తట్టి ఫోన్ చేశాడు. హలో మల్లు మేడమ్. మా సినిమాలో నటిస్తారా?.. ప్రస్తుతం టాలీవుడ్లో మల్లు హీరోయన్ల హవానే నడుస్తోంది. వరుసగా స్టార్ హీరోల సరసన ఛాన్స్ కొట్టేస్తూ కెరీర్లో ముందుకు దూసుకెళ్లిపోతున్నారు. ఈ క్రమంలోనే ఆ హీరోయిన్లపై ఓ లుక్కేద్దాం.
చిన్నప్పుడే సినిమాలో కనిపించి.. హీరోయిన్గా మారి మలయాళం, తమిళ పరిశ్రమలో అవకాశాలు దక్కించుకున్నారు నజ్రియా నజీమ్. నీరమ్, రాజారాణి, బెంగళూరు డేస్, ట్రాన్స్ వంటి చిత్రాల్లో విభిన్న పాత్రలు పోషించి స్టార్ హీరోయిన్లలో ఒకరిగా గుర్తింపు పొందారు. ఇప్పుడు నేచురల్ స్టార్ నాని నటించిన అంటే.. సుందరానికీతో తెలుగులో ఎంట్రీ ఇస్తున్నారు. వివేక్ ఆత్రేయ దర్శకత్వం వహిస్తున్నారు. మరోవైపు ఆమెభర్త ఫాహద్ ఫాజిిల్ పుష్పలో తెలుగులో పరిచయం కానున్నారు.
బుల్లితెరపై చక్రం తిప్పి.. వెండితెరపై ప్రస్తుతం ఫేమస్ అవుతున్న నటి రజీషా విజయన్. రామారావు ఆన్ డ్యూటీతో తెలుగులో అడుగుపెట్టేందుకు సిద్ధమైంది. రవితేజ హీరోగా, శరత్ మంజవ దర్శకత్వంలో ఈ సినిమా రానుంది. మరో మలయాళ నటి అనిఖా సురేంద్రన్ కూడా విశ్వక్ సేన్ సరసన ఛాన్స్ కొట్టేసింది. విశ్వాసం, ఎన్నై అరిందాల్, క్వీన్ సిరీస్లో నటించి చైల్డ్ ఆర్టిస్ట్గా మంచి గుర్తింపు పొందింది.
మణిరతన దర్శకత్వం వహిస్తోన్న పీరియాడికల్ మల్టీస్టారర్ సినిమా పొన్నియెన్ సెల్వన్లో ఓ కీరోల్ కొట్టేసింది ఐశ్వర్యా లక్ష్మి. గాడ్సె ద్వారా తెలుగులో హీరోయిన్గా పరిచయం కానున్నారు. సత్యదేవ్ హీరోగా నటించిన ఈ సినిమాను గోపి గణేశ్ దర్శకత్వం వహించారు.
మరోవైపు మ్యూజిక్ ఆల్బమ్స్తో ఫేమస్గా నిలిచి హీరోయిన్గా అవకాశాలు దక్కించుకున్న నటి సౌమ్యామీనన్. మహేశ్బాబు హీరోగా రానున్న సర్కారు వారి పాటలో కీలక పాత్ర చేస్తున్నారు. ఈ సినిమాకు పరశురామ్ దర్శకత్వం వహిస్తున్నారు. భీమ్లానాయక్ సినిమాతో సంయుక్తా మీనన్ టాలీవుడ్కు హాయ్ చెెప్పనున్నారు. ఇందులో రానాకు జోడీగా కనిపించనుంది. దీంతో పాటు బింబిసారాలో కూడా కనిపించనున్నారు.