SSMB 29
SSMB 29 : సూపర్ స్టార్ మహేష్ బాబు – దర్శక ధీరుడు రాజమౌళి కాంబినేషన్లో సినిమా రాబోతున్న సంగతి తెలిసిందే. ఈ మూవీ అప్డేట్స్ కోసం మహేష్ బాబు ఫ్యాన్స్ ఆతృతగా ఎదురుచూస్తున్నారు. అయితే రాజమౌళి చిత్ర షూటింగ్ పై ఎటువంటి అప్డేట్ ఇవ్వలేదు. ఇప్పటికే స్క్రిప్ట్ వర్క్ పూర్తయ్యిందని విజయేంద్ర ప్రసాద్ చెప్పారు. చిత్రీకరణ ఎప్పుడు మొదలవుతుందా.. అనే ఆసక్తి సినిమా లవర్స్ లో నెలకొని ఉంది. ఇదే సమయంలో ఈ బడా ప్రాజెక్ట్ పై అనేక రూమర్స్ చక్కర్లు కొడుతున్నాయి.
తాజాగా సినిమాలోని ఫ్లాష్ బ్యాక్ గురించి ఓ క్రేజీ న్యూస్ తెరపైకి వచ్చింది. ఈ చిత్రంలో మహేష్ బాబుకి ఒక ఫ్లాష్ బ్యాక్ ఎపిసోడ్ ఉంటుందట. అందులో ఆయన లుక్ బాగా రఫ్ అండ్ రగ్డ్ గా ఉంటుందట. ఇప్పటివరకు మహేష్ ని ఇలాంటి లుక్ లో ప్రేక్షకులు చూసి ఉండరని, నిజంగా ఇది సర్ప్రైజింగ్ ఫ్యాక్టర్ అవుతుందని ఓ న్యూస్ వైరల్ అవుతుంది. మరి ఈ వార్తలో నిజమెంతో తెలియదు కానీ, ఫ్యాన్స్ కి గూస్ బంప్స్ లేపేదిగా ఉంది.
ఎస్ఎస్ఎంబి 29 అనే వర్కింగ్ టైటిల్ తో తెరకెక్కుతున్న ఈ ప్రాజెక్ట్, ఆఫ్రికా బ్యాక్ డ్రాప్ లో అడ్వెంచర్ థ్రిల్లర్ గా ఉంటుందట. ఆస్కార్ విజేత ఎం ఎం కీరవాణి సంగీతం అందిస్తున్నారు. ప్రముఖ రచయిత సాయి మాధవ్ బుర్రా ఈ చిత్రానికి మాటలు రాస్తున్నారు. కాగా మరోవైపు రాజమౌళి తెగ ఎంజాయ్ చేస్తున్నారు. భార్య రమా రాజమౌళితో కలిసి డాన్స్ చేస్తున్న వీడియోలు సోషల్ మీడియాలో తెగ వైరల్ అయ్యారు. అలాగే క్రికెటర్ డేవిడ్ వార్నర్ తో కలిసి ఓ యాడ్ లో కనిపించి షాక్ ఇచ్చాడు. దాంతో మహేష్ మూవీ ఎప్పుడు పూర్తి చేస్తావని ట్రోల్ చేస్తున్నారు.
ఇదిలా ఉంటే మహేష్ ఈ చిత్రం కోసం మేకోవర్ సాధించనున్నాడు. అందుకే కఠిన వర్కౌట్స్ చేస్తూ బాడీ ని పాత్రకు తగ్గట్లు మారుస్తున్నారు. ఇటీవల ఫ్యామిలీతో కలిసి వెకేషన్ కి వెళ్లారు. ప్రస్తుతం ఎస్ఎస్ఎంబి 29 ప్రీ ప్రొడక్షన్ పనులు జరుపుకుంటుంది. ఈ సినిమా షూటింగ్ ప్రారంభం అయ్యేది జూన్ తర్వాతే అని టాక్ వినిపిస్తోంది. కాగా మహేష్ బాబు ఫ్యాన్స్ ఈ మూవీ అప్డేట్స్ ఆలస్యం అవుతున్న కొద్దీ ఆందోళన చెందుతున్నారు.
