Pushpa: తెలుగు సినిమాలకు హిందీ యూట్యూబ్ ప్లాట్ ఫామ్స్ లో ఫుల్ గిరాకీ ఉంది. అయితే, ఈ డిమాండ్ ను గోల్డ్మైన్స్ నిర్మాత మనీష్ షా చాలా ముందుగానే ఊహించాడు. ఏ హిందీ నిర్మాత తెలుగు సినిమాలను కొనకముందే.. గోల్డ్మైన్స్ నిర్మాత మనీష్ షా తెలుగు సినిమాలను కొని పెద్ద నిర్మాత అయిపోయాడు. ఎంత ఎదిగాడు అంటే.. తెలుగు హిట్ చిత్రాలను యూట్యూబ్లో డబ్బింగ్ కొట్టి, ఇప్పుడు నేరుగా థియేటర్లలో విడుదల చేసే స్థాయికి వచ్చాడు గోల్డ్మైన్స్ నిర్మాత మనీష్ షా.
కాగా పుష్ప దాదాపు రూ. 100 కోట్ల మార్కును చేరుకోగా, ఇకపై పలు తెలుగు పెద్ద హీరోల చిత్రాలను మనీష్ థియేటర్లో రిలీజ్ చేయాలనుకుంటున్నాడు. ప్రస్తుతం అల వైకుంఠపురములో వాయిదా పడగా, సుకుమార్ తెరకెక్కించిన రంగస్థలం చిత్రాన్ని ఫిబ్రవరిలో రిలీజ్ చేయాలనుకుంటున్నారట. మొత్తానికి అల్లు అర్జున్ పుష్ఫ నార్త్లో ఎంతపెద్ద హిట్ అయ్యిందో తెలిసిందే. యూట్యూబ్లో బన్నీ తెలుగు సినిమాలు హిందీలోకి డబ్ అవ్వడమే దీని వెనుకున్న కారణం.
Also Read: ‘పుష్ప’ నే కాదు, బన్నీని కూడా బాగా వాడుకుంటున్నారు !
అయితే, సూపర్ స్టార్ మహేష్ బాబు తెలుగు సినిమాలకి కూడా నార్త్ లో ఫుల్ డిమాండ్ ఉందట. తెలుగులో ఉన్నట్టే.. అక్కడా చాలామంది మహేష్ బాబుకు మహిళా ఫ్యాన్స్ ఉన్నారట. ఈ క్రమంలోనే సర్కారు వారి పాట హిందీ థియేట్రికల్ రైట్స్ కోసం ఓ బడా సంస్థ పోటీపడి పెద్ద మొత్తంలో కొనుగోలు చేసినట్టు తెలుస్తోంది. అయితే, మధ్యలో గోల్డ్మైన్స్ నిర్మాత మనీష్ షా వచ్చి.. ఆ నిర్మాత ఇచ్చిన మొత్తానికి కంటే రెట్టింపు ఇస్తాను.. సర్కారు వారి పాట హిందీ థియేట్రికల్ రైట్స్ ఇవ్వమని అడుగుతున్నాడట. మొత్తానికి పుష్పతో బన్నీ కంటే.. మహేష్ కే ఎక్కువ డిమాండ్ వచ్చింది.
