Mahesh Babu Emotional Post: సూపర్ స్టార్ మహేష్ బాబు తన కుటుంబానికి ఎలాంటి ప్రాధాన్యత ఇస్తారో ప్రత్యేకించి చెప్పనవసరం లేదు. అనేక ఇంటర్వ్యూస్ లో ఆయన తన తండ్రి కృష్ణ గురించి చెప్తూ ‘మా నాన్న ఎంత పెద్ద సూపర్ స్టార్ అయినప్పటికీ, ఎంత బిజీ గా ఉన్నప్పటికీ, ఇంటికి రాగానే మా కోసం తన పూర్తి సమయాన్ని కేటాయిస్తారు. మాతో కలిసి ఆడుకుంటారు, ఆయన్ని చూసిన తర్వాతనే నా పిల్లలతో కూడా ఇలా ఉండాలని నిర్ణయించుకున్నాను , అలాగే ఉంటున్నాను’ అంటూ చెప్పుకొచ్చారు. మహేష్ తన పిల్లలతో ఉంటున్న తీరుని చూస్తుంటే , ఆయన తన తండ్రి నుండి ఈ లక్షణాలను వారసత్వం గా ఎలా అలవాటు చేసుకున్నారో అర్థం అవుతోంది. ఆయన సూపర్ స్టార్ అయినప్పటికీ కూడా, షూటింగ్ కంటే ఎక్కువ ప్రాధాన్యత తన పిల్లలతో గడపడానికే సమయాన్ని కేటాయిస్తూ ఉంటారు.
ముఖ్యంగా తన కూతురు సితార అంటే మహేష్ కి ఎంత ప్రేమ అనేది ప్రత్యేకించి చెప్పనవసరం లేదు. ప్రతీ పుట్టినరోజు ని ఎంతో గ్రాండ్ గా చేస్తుంటారు మహేష్. అంతే కాకుండా, శుభాకాంక్షలు సోషల్ మీడియా లో తెలిపేటప్పుడు , ఆయన ప్రేమ ప్రతీ అక్షరం లోనూ కనిపిస్తూ ఉంటుంది. నేడు సితార పుట్టినరోజు సందర్భంగా మహేష్ బాబు ఒక పోస్ట్ వేస్తూ ‘ఎంత ఎదిగినా , నువ్వు నా దృష్టిలో ఎప్పటికీ చిన్నారివే. హ్యాపీ 14 సితార. ఈ ఏడాది నీకు అద్భుతంగా ఉండాలని మనస్ఫూర్తిగా కోరుకుంటున్నాను, లవ్ యూ’ అంటూ ఆయన వేసిన ట్వీట్ చూస్తే , చాలా ఎమోషనల్ ఫీలింగ్ కలుగుతోంది. ఈ ట్వీట్ ని మీకోసం క్రింద అందిస్తున్నాము చూడండి. ఈ ఫొటోలో మహేష్ బాబు లుక్స్ ని చూసి అభిమానులు ఎంతగానో మురిసిపోతున్నారు. ఇది ‘వారణాసి’ లుక్ అనే సంగతి అందరికీ తెలిసిందే.
ఇక ‘వారణాసి’ సినిమా విషయానికి వస్తే శరవేగంగా షూటింగ్ కార్యక్రమాలు జరుపుకుంటున్న ఈ చిత్రం , ఈ ఏడాది అక్టోబర్ లోపు పూర్తి అయ్యే అవకాశాలు కనిపిస్తున్నాయి. రీసెంట్ గానే హైదరాబాద్ లో కొత్త షెడ్యూల్ మొదలైంది. ఈ షెడ్యూల్ మొదలు అవ్వడానికి ముందు రాజమౌళి నటీనటులందరితో రిహార్సల్స్ చేయించారు. ప్రతీ షెడ్యూల్ కి ముందు ఇలా రిహార్సల్స్ చేయించడం రాజమౌళి కి అలవాటే. పర్ఫెక్షన్ కోసం ఆయన ఇలా చేస్తుంటారు. ఏప్రిల్ 7 న విడుదల అవ్వబోతున్న ఈ సినిమాకు సంబంధించిన టీజర్ ని వచ్చే నెల 9 న మహేష్ బాబు పుట్టిన రోజు సందర్భంగా విడుదల చేసే ప్లాన్ లో ఉన్నారట మేకర్స్. త్వరలోనే దీనికి సంబంధించిన అధికారిక ప్రకటన బయటకు రానుంది.
Forever my little star… no matter how much you grow. ❤️❤️❤️
Happy 14 Sitara!!! ❤️❤️❤️ Have the most amazing year ahead….
Love you always ❤️❤️❤️ pic.twitter.com/FnEldmotTV— Mahesh Babu (@urstrulyMahesh) July 20, 2026
