Varun Tej: మెగా ప్రిన్స్ వరుణ్ తేజ్ రిస్క్ చేసి మరీ బాక్సింగ్ నేపథ్యంలో చేస్తోన్న సినిమా ‘గని’. కిరణ్ కొర్రపాటి దర్శకత్వంలో తెరకెక్కుతున్న ఈ సినిమాలో వరుణ్ బాక్సర్ గా కనిపించనుండగా.. ఈ చిత్రం రిలీజ్పై యూనిట్ తాజాగా క్లారిటీ ఇచ్చింది. ఫిబ్రవరి 25 లేదా మార్చి 4న ఈ సినిమాను విడుదల చేస్తామని రెండు డేట్ లను ప్రకటించింది. గతేడాది డిసెంబర్ లో రిలీజ్ కావాల్సిన ఈ సినిమా ఆఖరి నిమిషంలో వాయిదా పడింది.
కాగా ఇప్పటికే ఈ సినిమా నుంచి టీజర్ వదిలారు మేకర్స్. టీజర్ లో నా పంచ్ పవర్ చూసి ఏదైనా నమ్మేయాల్సిందే అంటున్నాడు వరణ్. టీజర్ పవర్ ఫుల్ గా ఉంది. వరుణ్ పంచ్ కొడితే లారీ టైర్లు ఎగిరిపడే షాట్స్, కారు అమాంతం కదిలిపోయే షాట్స్ బాగున్నాయి. అన్నట్టు ఈ సినిమా నుంచి ఆ మధ్య షార్ట్ గ్లింప్స్ అనే పేరుతో చిన్నపాటి టీజర్ ను వదిలారు. అది కూడా చాలా బాగుంది. కానీ మొన్న వదిలిన టీజర్ లో మాత్రం వరుణ్ తేజ్ బాడీని రివీల్ చేయడం బాగుంది.
Also Read: 14 ఏళ్ల బాలికపై 50 ఏళ్ల నీచుడు.. ఉరితీయాల్సిందేనట?
వరుణ్ తేజ్ చాలా వైలెంట్ గా కనిపించాడు. బాక్సింగ్ కోట్ లో కండలు తిరిగిన దేహంతో అటు తిరిగి కనిపించిన వరుణ్ తేజ్ మొత్తానికి తన సిక్స్ ప్యాక్ బాడీతో సినిమా పై అంచనాలను పెంచాడు. అయితే ఈ సినిమాలో బాక్సర్ పాత్రలో నటించడానికి వరుణ్ తేజ్ కఠినమైన కసరత్తులు చేయాల్సి వచ్చింది. వరుణ్ విదేశాలకు వెళ్లి మరీ బాక్సింగ్ కోచింగ్ తీసుకున్నాడు.
పైగా కెరీర్ లో మొదటి సారి సిక్స్ ప్యాక్ లో షర్ట్ లేకుండా నటిస్తున్నాడు. అన్నిటికీ మించి పవన్ కళ్యాణ్ గతంలో ‘బాలు’ అనే సినిమాలో చేసిన హీరో క్యారెక్టర్ పేరు ‘గని’నే. ఇప్పుడు వరుణ్ తేజ్, పవన్ సినిమా పేరును తన సినిమాకి టైటిల్ గా పెట్టుకోవడం విశేషం. వరుణ్ తేజ్ కి పవన్ పేర్లను వాడుకోవడం సెంటిమెంట్ అయిపోయింది. పవన్ సినిమా ‘తొలిప్రేమ’ టైటిల్ తోనే ఒక సినిమా చేసి వరుణ్ తేజ్ హిట్ కూడా కొట్టాడు. మరి ఇప్పుడు కూడా గనితో హిట్ కొడతాడేమో చూడాలి.
కాగా ఈ సినిమాతో అల్లు అరవింద్ పెద్ద కుమారుడు అల్లు బాబీ నిర్మాతగా మారబోతున్నాడు. సిద్దు అనే మరో నిర్మాతతో కలిసి బాబీ ఈ సినిమాని నిర్మిస్తున్నాడు. అల్లు అరవింద్ సమర్పణలో రెనసాన్స్ ఫిలింస్, బ్లూ వాటర్ క్రియేటివ్ పతాకాల పై వస్తోన్న ఈ సినిమా ఎప్పుడో రిలీజ్ అవ్వాలి. కరోనా కారణంగా వెనుకబడింది.
Also Read: పాతికేళ్ల విజన్తో కేంద్ర బడ్జెట్.. ఉపాధి కల్పనకు అగ్ర తాంబూలం
[…] Ala Vaikunthapurramuloo: తెలుగు సినిమాలను హిందీ యూట్యూబ్ ప్లాట్ ఫామ్స్ లో రిలీజ్ చేస్తూ ఫుల్ క్యాష్ చేసుకోవడంలో గోల్డ్మైన్స్ నిర్మాత మనీష్ షా చాలా బాగా ఆరితేరిపోయాడు. అలాగే మనీష్ షా తెలుగు సినిమాలను కొని పెద్ద నిర్మాత కూడా అయిపోయాడు. పైగా తెలుగు సినిమాలకు హిందీ యూట్యూబ్ ప్లాట్ ఫామ్స్ లో ఫుల్ గిరాకీ ఉంది. ఈ క్రమంలో హిందీలో ‘పుష్ప’ రైట్స్ కొనుగోలు చేసి మనీష్ షా మంచి లాభాలను అందుకున్నాడు. […]
[…] Nagababu: మెగా నట వారసురాలు ‘నిహారిక’ పెళ్లి, గుంటూరు మాజీ ఐజీ జొన్నల గడ్డ ప్రభాకర్ రావు కుమారుడు చైతన్యతో అంగరంగ వైభవంగా జరిగిన సంగతి తెలిసిందే. అయితే, నీహారిక పెళ్లి వేడుక రోజు.. పెళ్లికూతురు నిహారికకు మెగాస్టార్ చిరంజీవి ఓ వజ్రాల హారాన్ని బహుమతిగా ఇచ్చారు. ఆ వజ్రాల హారం ధర ఏకంగా రెండు కోట్ల రూపాయలు. ఇక వరుణ్ తేజ్ కూడా తన చెల్లెలి కోసం రెండు కోట్ల రూపాయల విలువైన ప్లాట్ ను బహుమతిగా ఇచ్చాడు. అలాగే బాబాయ్ పవన్ సైతం ఖరీదైన కారును బహుమతిగా ఇచ్చాడు. […]