Kobra: తమిళ స్టార్ హీరో చియాన్ విక్రమ్ గురించి ప్రత్యేకంగా పరిచయం చేయనక్కర్లేదు. ఆయన సినిమా హిట్అయినా.. ఫ్లాప్ అయినా.. ఆయన పాత్రలు మాత్రం జనాల గుండెల్లో చెరగని ముద్ర వేసుకుంటాయి. ఇందుకోసం తన ఆహార్యాన్నే కాదు.. తన రూపురేఖలనే పూర్తిగా మార్చేసుకుంటాడు విక్రమ్. అపరిచితుడు, శివపుత్రుడు, ఐ, ఇంకొకడు ఇలా సినిమాలెన్నైనా సరే.. అందులో విక్రమ్ ఉన్నాడంటే.. ఏదో కొత్తదనం ఉంటుందనే ఆశతోనే అభిమానులు ఇప్పటికీ థియేటర్లోకి అడుగుపెడుతుంటారు.
Also Read: ఎవరు మీలో కోటీశ్వరులు షో లో పవన్ కళ్యాణ్ గురించి ఆసక్తికర వ్యాఖ్యలు చేసిన తారక్
కాగా, ప్రస్తుతం విక్రమ్ హీరోగా నటిస్తున్న సినిమా కోబ్రా.. ఆసక్తికరమైన కథతో.. ఆర్. అజయ్ జ్ఞానవత్తు ఈ సనిమాకు దర్శకత్వం వహిస్తున్నారు. కాగా, కేజీఎఫ్ ఫేమ్ శ్రీనిధి శెట్టి హీరోయిన్గా కనిపించనుంది. ఇప్పటికే ఈ సినిమాకు సంబంధించి విడుదలైన పోస్టర్లు, టీజర్లు ప్రేక్షకుల్లో భారీ అంచనాలు నింపాయి. ముఖ్యంగా వివిధ పాత్రల్లో కనిపించి ఫ్యాన్స్ను షాక్కు గురిచేశారు విక్రమ్. కాగా, కరోనా వల్ల వాయిదా పడిన ఈ సినిమా షూటింగ్.. తాజాగా.. తిరిగి మొదలైంది.
సుమారు ఆరునెలల విరామం తర్వాత ఈ సినిమా చివరి షెడ్యూల్ చెన్నైలోని గ్రీన్మ్యాట్ స్టూడియోలో ప్రారంభించారు మేరక్స్ . ఈ విషయాన్ని దర్శకుడు జ్ఞానవత్తు సోషల్మీడియా ద్వారా అభిమానులకు తెలియజేశారు. త్వరలోనే షూటింగ్ పూర్తి చేసుకుని.. వచ్చే ఏడాది వేసవిలో మీ ముందుకొస్తామని తెలిపారు. కాగా, ఈ సినిమాలో మాజీ క్రికెటర్ ఇర్ఫాన్ పఠాన్ కీలక పాత్ర పోషిస్తున్నారు. ఏఆర్ రెహ్మాన్ ఈ సినిమాకు స్వరాలు సమకూరుస్తున్నారు. మరి ఎప్పుడూ డిఫరెంట్ గెటప్స్తో అలరించే విక్రమ్.. ఈ సినిమాలో ఎలా కనిపించనున్నారో తెలియాలంటే సినిమా వచ్చేవరకు వేచి చూడాల్సందే.
Also Read: చత్రపతి సినిమాలో నటించి ప్రేక్షకులను మెప్పించిన సూరీడు ఇప్పుడు ఎలా ఉన్నాడో తెలుసా?
